شىمكەنتتە «جەلبىرە مەنىڭ كوك تۋىم» اتتى پاتريوتتىق شارا ءوتتى
شارا مەملەكەتتىك رامىزدەر كۇنىنە ارنالدى، دەپ حابارلايدى قازاقپارات.
قالالىق ىشكى ساياسات جانە ءدىن ىستەرى باسقارماسىنىڭ رۋحاني جاڭعىرۋ ءبولىمى ۇيىمداستىرعان اكسيادا جاستار ق ر مەملەكەتتىك ءانۇرانىن شىرقاپ، تۇرعىندارعا جالاۋشالار تاراتىلدى. سونداي-اق، ەلىمىزدىڭ تۋى مەن ەلتاڭبا، ءانۇرانى جايىندا ساۋالناما جۇرگىزىلدى.
«ۇلتتىق نىشانداعى مەرەكەنىڭ مەرەيى ۇستەم. كوك تۋدى تەڭدىگىمىزگە، ەلتاڭبامىزدى، ءانۇرانىمىزدى بيىك تۇعىرىمىزعا بالايمىز. ءبىراق ەلىمىزدە توتەنشە جاعداي توقتاعانىمەن، كارانتيندىك شەكتەۋلەر الىنعان جوق. سوعان بايلانىستى اكسيانى قاۋىپسىزدىك شارالارىن ساقتاي وتىرىپ، وتكىزىپ جاتىرمىز. ۇلتتىق رۋحتى وياتاتىن مەرەكەلىك ەستافەتا وتكەن، الدىڭعى جىلدارى قولعا الىنعان بولاتىن. بيىلعى چەللەندجگە دە كەز كەلگەن وتانسۇيگىش ازامات قاتىسا الادى»، - دەدى رۋحاني جاڭعىرۋ ءبولىمىنىڭ مەڭگەرۋشىسى زاۋرە ورالبايەۆا.
ۇلتىمىزدىڭ ۇلىلىعىن، تاريحىمىزدىڭ قاسيەتىن تانىتاتىن اكسيا سونىمەن قاتار «اباي» ساياباعى، «اربات» دەمالىس ايماعى «دەندروساياباق»، ەڭبەكشى اۋدانىنداعى «سيەۆەر» ساۋدا ورتالىعىندا جالعاسىن تاپتى.
اۆتور: اينۇر اقبايەۆا