الماتىدا اتىس بولىپ، ەر ادام اياعىنان جاراقاتتاندى

None
None
الماتى. قازاقپارات - الماتىدا بىرەۋلەر اتىسىپ، ەر ادام اياعىنان جارالاندى، دەپ حابارلايدى قازاقپارات ءتىلشىسى.

وقىس وقيعا كەشە كەشكى ساعات 21:00 شاماسىندا قازىبەك بي - مۇقانوۆ كوشەلەرىنىڭ قيىلىسىندا بولعان. وقيعا كۋاگەرلەرىنىڭ ايتۋىنشا، كومپيۋتەرلىك تەحنيكا ساتاتىن دۇكەننىڭ قاسىندا بىرەۋلەر اتىسقان. سونىڭ كەسىرىنەن ەر ادام اياعىنان جارالانعان.

«مەن دۇكەن ارالاپ جۇرگەن ەدىم. كەنەت سىرتتا 3 رەت وق اتىلدى. جارالانعان ەر ادامنىڭ ايەلى شۇعىل جەدەل جاردەم شاقىرىپ جاتتى. اتىسقان ادامدار ءبىر-بىرىمەن تانىس پا ول جاعىن بىلمەيمىن»، - دەدى وقيعانى كۋاگەرى گۇلزات رىمبايەۆا. قالالىق پوليتسيا دەپارتامەنتى بۇل وقيعاعا قاتىستى تۇسىنىك بەردى.

«جۇماليەۆ كوشەسىندە ورنالاسقان ءدامحانالاردىڭ بىرىندە وتىرعان ەكى ادام سوزگە كەلىپ قالعان. ونىڭ ارتى جانجالعا ۇلاسىپ، ولاردىڭ ءبىرى 37 جاستاعى جىگىتكە پىشاق سالعان. سول ساتتە ەكىنشىسى تراۆماتيكالىق تاپانشا الىپ وق اتقان. وقتىڭ ءبىرى كوشەمەن ءوتىپ بارا جاتقان 28 جاستاعى جىگىتتىڭ اياعىنا تيگەن. قازىر توبەلەسكە قاتىسقاندار ۇستالدى. بۇل دەرەك بويىنشا ق ر ق ك 293-بابىنىڭ 3-بولىمىمەن تەرگەۋ امالدارى باستالدى»، - دەدى پ د باسپا ءسوز قىزمەتىنەن.

سوڭعى جاڭالىقتار