ءبىرقاتار ءوڭىردىڭ اكىمدىكتەرىنە سانيتارلىق-ەپيدەميولوگيالىق تالاپتاردى كۇشەيتۋ تاپسىرىلدى

None
None
نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى.

وندا ەلىمىزدەگى قازىرگى ەپيدەميولوگيالىق جاعداي، حالىقتى جەكە قورعانۋ قۇرالدارىمەن قامتاماسىز ەتۋ، شەتەلدەگى ق ر ازاماتتارىن ەلگە قايتارۋدى ۇيىمداستىرۋ جانە باسقا دا وزەكتى ماسەلەلەر قارالدى.

بۇل تۋرالى ق ر ۇكىمەتىنىڭ باسپا ءسوز قىزمەتى حابارلادى. دەنساۋلىق ساقتاۋ ءمينيسترى ەلجان ءبىرتانوۆ ءوز بايانداماسىندا كەيبىر وڭىرلەردە قارانتين شارالارىن جەڭىلدەتۋ كوروناۆيرۋسپەن اۋىرعاندار سانىنىڭ كوبەيۋىنە سەبەپ بولعانىن اتاپ ءوتتى.

وسىعان وراي، پرەمەر-ءمينيستردىڭ ورىنباسارى باتىس قازاقستان، قىزىلوردا، ماڭعىستاۋ وبلىستارى اكىمدىكتەرىنە ءوڭىر بويىنشا سانيتارلىق- ەپيدەميولوگيالىق تالاپتاردىڭ ورىندالۋىنا باقىلاۋدى كۇشەيتۋدى، ونىڭ ىشىندە شەكتەۋ شارالارىن كۇشەيتۋ مۇمكىندىگىن قاراستىرۋدى تاپسىردى. «ءوڭىر اكىمدىكتەرى سانيتارلىق-ەپيدەميولوگيالىق تالاپتاردىڭ ورىندالۋىن قاتاڭ باقىلاۋدا ۇستاۋى ءتيىس. تالاپتاردى ورىنداماعان بيزنەس سۋبەكتىلەرىنىڭ قىزمەتىن انىقتالعان كەمشىلىكتەردى ورنىنا كەلتىرگەنشە ۋاقىتشا توقتاتۋ قاجەت. بۇل شارالار ازاماتتارىمىزدىڭ قاۋىپسىزدىگىن قامتاماسىز ەتۋ ءۇشىن اسا ماڭىزدى»، - دەدى ەرالى توعجانوۆ. وتىرىس قورىتىندىسى بويىنشا پرەمەر-ءمينيستردىڭ ورىنباسارى ە. توعجانوۆ بىرنەشە ناقتى تاپسىرمالار بەردى.

سوڭعى جاڭالىقتار