ايدا بالايەۆا: قاسيەتتى تۋىمىزدىڭ استىندا وتانىمىزدىڭ تاۋەلسىزدىگى مەن بەيبىت ءومىرىن قورعايمىز
«بۇگىن - قازاقستان رەسپۋبليكاسىنىڭ مەملەكەتتىك رامىزدەرى كۇنى! 1992 -جىلعى ءدال وسى كۇنى تاۋەلسىز قازاقستاننىڭ جاڭا مەملەكەتتىك رامىزدەرى العاش رەت بەكىتىلدى. مەملەكەتتىك رامىزدەر - مەملەكەتتىڭ مىزعىماس نەگىزدەرىنىڭ ءبىرى. مەملەكەتتىك رامىزدەر بارلىق ۋاقىتتا قوعامداعى ءار ادام ءۇشىن قاستەرلى دە، قاسيەتتى بولدى. رامىزدەر حالىقتىڭ بوستاندىعى مەن تاۋەلسىزدىگىن بەينەلەيدى، ونىڭ قۇندىلىقتارى مەن قاسيەتتى جەرلەرىن، اتا-بابالار جادىن جانە جاڭا ۇرپاقتىڭ بولاشاق جەتىستىكتەرىن بىلدىرەدى» دەپ جازدى ايدا بالايەۆا.
مينيستر ءوز سوزىندە قازاقستاننىڭ تۋى اسقارالى بيىك تاۋ شىڭدارىنا ورناتىلىپ، عارىشتان جەر شارىن اينالىپ ۇشقانىن، الەمدىك دەڭگەيدەگى سپورتتىق جەڭىستەردە جەلبىرەپ، ادامداردى ازاماتتىق جانە كاسىبي ەرلىكتەرگە شابىتتاندىرعانىن اتاپ ءوتتى.
«قاي قايسىمىز دا تۋىمىز، ءانۇرانىمىز جانە ەلتاڭبامىزدىڭ اسقاق رۋح، ازاتتىق، قاھارماندىق پەن دانالىقتىڭ قاستەرلى نىشانى ەكەنىن جاقسى بىلەمىز. ءبىز اركەز قاسيەتتى تۋىمىزدىڭ استىندا وتانىمىزدىڭ تاۋەلسىزدىگى مەن حالقىمىزدىڭ باقىتتى دا بەيبىت ءومىرىن قورعايمىز. بەيبىت ۋاقىتتا مەملەكەتتىلىك ءاربىر قازاقستاندىقتىڭ جەتىستىكتەرىن نىعايتادى - ءبىزدىڭ ءارقايسىمىز نەعۇرلىم تابىستى بولساق، تاۋەلسىز قازاقستان سوعۇرلىم قۋاتتى بولادى» دەپ ءتۇيدى ويىن ول.
مينيستر ءسوز سوڭىندا ەلىمىزدىڭ بارلىق ازاماتتارىن وسى قاسيەتتى دە ماڭىزدى كۇنمەن قۇتتىقتادى.
«بارشاڭىزعا ءوسىپ- وركەندەۋ، ۋاقىتشا قيىن كەزەڭدى لايىقتى ەڭسەرۋ، ومىرلىك كۇش- جىگەر مەن جاسامپازدىق تىلەيمىن!» دەپ جازدى ايدا بالايەۆا.