ق ر سىرتقى ىستەر ءمينيسترى كانادالىق ارىپتەسىمەن كوروناۆيرۋسپەن كۇرەس شارالارىن تالقىلادى
ق ر س ءى م- نەن ءمالىم ەتكەندەي، اڭگىمە بارىسىندا تاراپتار COVID-19 پاندەمياسىمەن كۇرەسۋ جونىندەگى ەلدەردىڭ شارالارىن، سونداي- اق ەكىجاقتى ىنتىماقتاستىقتىڭ قازىرگى جاي-كۇيى مەن پەرسپەكتيۆالارىن، حالىقارالىق ارەناداعى ءوزارا ءىس- قيمىل ماسەلەلەرىن تالقىلادى.
«تاراپتار پاندەميا ادامداردىڭ كۇندەلىكتى ءومىرىن تۇبەگەيلى وزگەرتكەنىن جانە حالىقارالىق قاتىناستاردىڭ بارلىق جۇيەسىنە ەلەۋلى اسەر ەتىپ وتىرعانىن اتاپ ءوتتى. كانادالىق تاراپ كانادانىڭ جانە يامايكانىڭ باستاماسىمەن وتكىزىلگەن كوروناۆيرۋس پاندەمياسى داۋىرىندەگى تۇراقتى دامۋدى قارجىلاندىرۋ جونىندەگى ب ۇ ۇ- نىڭ جوعارى دەڭگەيدەگى ءىس- شاراسىندا ق ر پرەزيدەنتى ق. توقايەۆتىڭ مازمۇندى سويلەگەن سوزىنە جانە ەلىمىزدىڭ قاتىسقانى ءۇشىن العىسىن ءبىلدىردى»، - دەلىنگەن س ءى م اقپاراتىندا.
كانادا سىرتقى ساياسي ۆەدومستۆوسىنىڭ باسشىسى قازاقستاننىڭ وڭىردەگى جەتەكشى ءرولىن اتاپ ءوتىپ، وتتاۆانىڭ نۇر-سۇلتانمەن سىندارلى جانە ءوزارا ءتيىمدى قارىم-قاتىناستى ودان ءارى دامىتۋعا دايىن ەكەندىگىن ءبىلدىردى.
«م. تىلەۋبەردى ساياسي ديالوگتى ودان ءارى دامىتۋ قاجەتتىگىن باسا ايتىپ، 2020 -جىلدىڭ اقپان ايىندا قر پرەزيدەنتى ق. توقايەۆتىڭ كانادانىڭ پرەمەر-ءمينيسترى دج. تريۋدومەن ميۋنحەندە بولعان ەكىجاقتى كەزدەسۋى، سونداي-اق كانادانىڭ گەنەرال- گۋبەرناتورى ج. پايەتتىڭ 2018 -جىلى قازاقستانعا ساپارى ەكىجاقتى ىنتىماقتاستىقتىڭ دامۋىنا سەرپىن بەرگەنىن ءمالىم ەتتى. سونىمەن قاتار ەكىجاقتى فورماتتا دا، حالىقارالىق ارەنادا دا، سونىڭ ىشىندە يادرولىق قارۋدى تاراتپاۋ، ورنىقتى دامۋ، ازىق- تۇلىك قاۋىپسىزدىگى جانە ادام قۇقىقتارى ماسەلەلەرى بويىنشا ءوزارا ءىس-قيمىلدى ودان ءارى جانداندىرۋدى قولدايتىندارىن جەتكىزدى»، - دەدى ۆەدومستۆودان.