كوروناۆيرۋس قاۋپى: ورالدا ورتالىق ساياباق قايتا جابىلدى
ورال قالاسى اكىمىنىڭ باسپا ءسوز قىزمەتىنەن ءمالىم ەتكەنىندەي، مونيتورينگ توبى 3-ماۋسىم كۇنى جۇرگىزگەن رەيد ناتيجەسىندە تۇرعىنداردىڭ دەنساۋلىعىن ساقتاۋ ماقساتىندا قالالىق مادەنيەت جانە دەمالىس ساياباعىن ۋاقىتشا جابۋ جونىندە شەشىم قابىلداندى.
شاھار باسشىسى ابات شىنىبەكوۆ پەن ورال قالالىق مەملەكەتتىك باس سانيتار دارىگەرى مادەنيەت تاناۋوۆ 31-مامىر كۇنى ساياباق ارەنداتورلارىمەن كەزدەسۋ وتكىزگەن بولاتىن. وندا كارانتين جاعدايىندا سانيتارلىق تالاپتاردى قاتاڭ ساقتاۋ قاجەتتىگى ايتىلىپ، ورىندالماعان جاعدايدا ادامداردىڭ قاۋىپسىزدىگى ءۇشىن ساياباقتى جاۋىپ تاستاۋ مۇمكىن ەكەندىگى ەسكەرتىلدى.
الايدا رەيد كەزىندە ساياباقتا جۇمىس ىستەيتىن ارەنداتورلاردىڭ ءتيىستى سانيتارلىق تالاپتاردى ساقتاماعانى، مەديتسينالىق بەتپەردە تاقپاعانى جانە كاسىپكەرلىك نىسانىندا دەزينفەكسيالىق جۇمىستىڭ جۇرگىزىلمەگەنى انىقتالدى.
بۇعان ايعاق رەتىندە مونيتورينگ توبىندا فوتو-ۆيدەو تىركەلگەن. سونىمەن قاتار ساياباققا كەلۋشىلەر دە سانيتارلىق تالاپتاردى ساقتاماعان. وسىلايشا 15-مامىردان باستاپ اشىلىپ، ساعات 09.00 دەن 21.00 گە دەيىن جۇمىس ىستەگەن ورتالىق ساياباق قايتا جابىلدى. سوڭعى مالىمەتتەرگە سايكەس، ب ق و- دا بۇگىنگە دەيىن كوروناۆيرۋستىڭ راستالعان 732 جاعدايى تىركەلدى. ونىڭ ىشىندە جازىلدى - 327، قايتىس بولدى - 1 ناۋقاس.