08:02, 04 - ماۋسىم 2020 | GMT +6
لۋكاشەنكو بەلارۋس ۇكىمەتىن وتستاۆكاعا جىبەردى
مينسك. بەلتا-قازاقپارات - بەلارۋس پرەزيدەنتى الەكساندر لۋكاشەنكو ءىس باسىنداعى ۇكىمەت قۇرامىن وتستاۆكاعا جىبەرۋ شەشىمىن قابىلدادى.
بۇل تۋرالى «بەلارۋس 1» تەلەارناسىنىڭ ەفيرىندە ايتىلدى، دەپ جازادى بەلتا. بەلتا اگەنتتىگىنە اقپاراتتى پرەزيدەنتتىڭ باسپا ءسوز قىزمەتى دە راستاپ، ا. لۋكاشەنكونىڭ ءتيىستى قاۋلىسى رەسمي جاريالانعاننان كەيىن كۇشىنە ەنەتىنىن ءمالىم ەتكەن.
بەلارۋس ۇكىمەتىنىڭ جاڭا قۇرامىن جاساقتاۋ ماسەلەسى 3-ماۋسىم كۇنى تاڭەرتەڭ ا. لۋكاشەنكونىڭ توراعالىعىمەن وتكەن كەڭەستە تالقىلانعان. وعان رەسپۋبليكا كەڭەسىنىڭ ءتوراعاسى ناتاليا كوچانوۆا، وكىلدەر پالاتاسىنىڭ ءتوراعاسى ۆلاديمير اندرەيچەنكو، پرەزيدەنت اكىمشىلىگىنىڭ باسشىسى يگور سەرگەەنكو جانە قاۋىپسىزدىك كەڭەسىنىڭ مەملەكەتتىك حاتشىسى اندرەي راۆكوۆ قاتىستى.