+7 (701) 759 90 19
28 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

ەلباسى توراعالىعىمەن «سامۇرىق-قازىنا» قورىن باسقارۋ جونىندەگى كەڭەستىڭ وتىرىسى ءوتتى

3 ماۋسىم 21:22
:ءبولىسۋ
ەلباسى توراعالىعىمەن «سامۇرىق-قازىنا» قورىن باسقارۋ جونىندەگى كەڭەستىڭ وتىرىسى ءوتتى

نۇر-سۇلتان. قازاقپارات - قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن «سامۇرىق- قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ وتىرىسى ءوتتى، دەپ حابارلايدى قازاقپارات elbasy.kz-كە سىلتەمە جاساپ.

كەڭەستە «سامۇرىق- قازىنا» اكسيونەرلىك قوعامىنىڭ قازىرگى قىزمەتى، شاعىن جانە ورتا بيزنەستى قولداۋ بويىنشا قابىلدانىپ جاتقان شارالار، سونداي-اق كەڭەستىڭ وتكەن وتىرىسىندا بەرىلگەن تاپسىرمالاردىڭ ورىندالۋ بارىسى قارالدى. وتىرىستى اشقان نۇرسۇلتان نازاربايەۆ «سامۇرىق- قازىنا» قورى ەل دامۋىندا ماڭىزى ءرول اتقاراتىنىن اتاپ ءوتتى.

- بيىل ءبىز اۋىر سىناقتارعا تاپ بولدىق. كوروناۆيرۋس پاندەمياسى جاھاندىق ەكونوميكالىق داعدارىسقا اكەپ سوقتى. الەمدىك ەكونوميكا مەن ساۋدا ءوسىمى توقتادى. بۇل فاكتورلاردىڭ بارلىعى ءبىزدىڭ ەكونوميكامىزعا كەرى اسەرىن تيگىزىپ وتىر. وسى ورايدا ءبىز قالىپتاسقان كۇردەلى احۋالعا تەز بەيىمدەلۋگە جانە داعدارىستى ەڭسەرۋگە سەپتىگىن تيگىزەتىن ەكونوميكانىڭ نەگىزگى درايۆەرلەرىن ايقىنداۋعا ءتيىسپىز، - دەدى ەلباسى.


قازاقستاننىڭ تۇڭعىش پرەزيدەنتى مەملەكەتتىڭ ەكونوميكالىق ءوسىمدى قالپىنا كەلتىرۋ شارالارىن دەر كەزىندە قابىلداعانىنا جانە ماڭىزدىلىعىنا توقتالدى.

- ەكونوميكامىزدى قالپىنا كەلتىرۋدە جانە ءارى قاراي دامىتۋدا ۇلتتىق ءال- اۋقات قورى باستى ءرول اتقارادى. قازاقستاننىڭ بارلىق نەگىزگى كومپانيالارى وسى قوردىڭ قۇرامىنا كىرەدى. قور كومپانيالارىنىڭ جيىنتىق اكتيۆتەرى 28 تريلليون تەڭگەنى قۇرايدى. بۇل – ج ءى ءو-نىڭ %40 ى. مۇندا 300 مىڭ قىزمەتكەر جۇمىس ىستەيدى. قيىندىقتارعا قاراماستان كومپانيالاردىڭ ءبارى جۇمىسىن جالعاستىرىپ جاتىر. وتكەن جىلعى قور كورسەتكىشتەرىنىڭ ءوسۋ قارقىنى بيىلعا رەزەرۆ قۇرۋعا مۇمكىندىك بەرگەنىن بايقاپ وتىرمىز، - دەدى نۇرسۇلتان نازاربايەۆ.

جيىن بارىسىندا ق ر پرەمەر- ءمينيسترى ا. ماميننىڭ، «سامۇرىق- قازىنا» ۇلتتىق ءال- اۋقات قورى» اكسيونەرلىك قوعامىنىڭ باسقارما ءتوراعاسى ا. ەسىموۆتىڭ، «قازمۇنايگاز» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى ا. ايداربايەۆتىڭ، «قازاقستان تەمىر جولى» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى س. مىڭبايەۆتىڭ باياندامالارى تىڭدالدى. ەلباسى قور كومپانيالارىنىڭ تيىمدىلىگىن ءارى قاراي ارتتىرۋ ءۇشىن ناقتى شارالار قابىلداۋدىڭ ماڭىزدىلىعىن اتاپ ءوتتى.

سونىمەن قاتار قازاقستاننىڭ تۇڭعىش پرەزيدەنتى قور كومپانيالارىن جەكەشەلەندىرۋ ماسەلەلەرىنە، ساتىپ الۋلار جانە وتاندىق تاۋاروندىرۋشىلەردى قولداۋدا جەرگىلىكتى ۇلەستى ارتتىرۋ بويىنشا قابىلدانىپ جاتقان شارالارعا توقتالدى.

كەڭەس قورىتىندىسى بويىنشا ەلباسى «سامۇرىق- قازىنا» باسشىلىعىنىڭ داعدارىسقا قارسى قابىلداعان شارالارىنىڭ ناتيجەسىن اتاپ ءوتىپ، بۇل تاجىريبەنى باسقا دا قۇرىلىمداردا قولدانۋدىڭ ماڭىزدىلىعىنا توقتالدى. - قور باسشىلىعى دەر كەزىندە قابىلداعان شارالاردى قولدايمىن جانە وڭ باعالايمىن. ولار ءوز تيىمدىلىگىن كورسەتتى. داعدارىس كەزىندە مەملەكەت ەكونوميكانى قولداۋ ءۇشىن ۇلتتىق قوردان قىرۋار قارجى ءبولدى. الايدا وسى جاعدايدا «سامۇرىق- قازىنا»، كەرىسىنشە، ۇلتتىق قورعا 100 ميلليارد تەڭگە باعىتتادى، - دەدى قازاقستاننىڭ تۇڭعىش پرەزيدەنتى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات