+7 (701) 759 90 19
26 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

بايقوڭىر تۋرالى جاڭا ءان جارىققا شىقتى

3 ماۋسىم 22:05
:ءبولىسۋ
بايقوڭىر تۋرالى جاڭا ءان جارىققا شىقتى

نۇر-سۇلتان. قازاقپارات – 2-ماۋسىمدا اتالىپ وتكەن بايقوڭىردىڭ 65 جىلدىعىندا «قازاقكونتسەرت» مەملەكەتتىك كونسەرتتىك ۇيىمىندا قازاقستان رەسپۋبليكاسىنىڭ ەڭبەك سىڭىرگەن قايراتكەرى، ءانشى ءارى كومپوزيتور جەڭىس سەيدوللا ۇلى بايقوڭىرعا ارنالعان جاڭا ءانىن ورىنداپ بەردى، دەپ حابارلايدى قازاقپارات ءتىلشىسى.

«بايقوڭىر ۆالسى» اتتى جاڭا تۋىندىسىن جەڭىس سەيدوللا ۇلى ءوزىنىڭ عانا ەمەس، اڭىزعا اينالعان عارىش ايلاعىنىڭ باعىن اشقان تۋعان جەرىنە ارناپ وتىر. ءانشىنىڭ ءوزى بايقوڭىر قالاسىنىڭ جانىنداعى تورەتام اۋىلىندا دۇنيە ەسىگىن اشقان. تەمىرجولدىڭ بويىنداعى ءدال وسى ەلدىمەكەنگە 1955 -جىلى عارىش ايلاعىنىڭ اسكەري قۇرىلىسىن جۇرگىزگەن العاشقى دەسانتتار تۇسكەن ەدى. سودان بەرى تورەتامدى - «بايقوڭىردىڭ قاقپاسى» دەپ اتايدى.

جەڭىس سەيدوللا ۇلى تەمىرجولشىلار وتباسىندا ومىرگە كەلگەن. بالا كەزدەن انگە قۇمار بولماسا دا، بايقوڭىرداعى اسكەريلەرگە قاراپ، وفيتسەر بولۋدى ارمانداپتى. الايدا كەيىن ول ونەر جولىن تاڭدادى. «البەتتە ەڭ ءبىرىنشى كەزەكتە قۇجاتتالعان ۆيدەوكادرلاردى بايقوڭىردىڭ كۇنىنە وراي عارىشكەرلەر جانە بايقوڭىردا ەڭبەك ەتكەن دوستارىما، قازاقستاننىڭ عارىش سالاسىندا ەڭبەگىن جالعاستىرىپ جاتقان تانىستارىم مەن تورەتامدىقتارعا جىبەردىم»، - دەيدى جەڭىس سەيدوللۋ ۇلى. كومپوزيتوردىڭ ايتۋىنشا بايقوڭىر - الەمدىك عارىش سالاسىنىڭ بەسىگى ىسپەتتەس. جەڭىس سەيدوللا ۇلى جەرلەستەرىن مەرەكەمەن قۇتتىقتاپ، بايقوڭىردىڭ ارى قاراي گۇلدەنە بەرۋىن تىلەدى.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات