+7 (701) 759 90 19
28 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

ءتىرىلىپ كەتكەن گالەرەيا: ەلوردالىق ديزاينەر ەرەكشە روليكتى قالاي ازىرلەگەنىن ايتىپ بەردى

3 ماۋسىم 20:57
:ءبولىسۋ
ءتىرىلىپ كەتكەن گالەرەيا: ەلوردالىق ديزاينەر ەرەكشە روليكتى قالاي ازىرلەگەنىن ايتىپ بەردى

نۇر-سۇلتان. قازاقپارات - الەۋمەتتىك جەلىدە تاراپ كەتكەن «ءتىرىلىپ كەتكەن گالەرەيا» روليگىنىڭ اۆتورى الماز دۇيسەبايەۆ ەرەكشە ۆيدەوروليكتى قالاي ازىرلەگەنىن ايتىپ بەردى.

زاماننىڭ جاڭا تەحنولوگيالارىمەن روليكتىڭ ءتۇر-ءتۇرىن ازىرلەيتىن motion ديزاينەر ق ر پرەزيدەنتى تەلەراديوكەشەنىندە ەڭبەك ەتەدى، دەپ حابارلايدى قازاقپارات ءتىلشىسى.

«كوشەگە سەرۋەندەۋگە شىققان كەزدە باسىما وسىنداي يدەيا كەلدى. كوك شىنىلى ۇيلەردى كورگەنىمدە وسىنداي ءبىر تۋىندى شىعارسا دەگەن ويعا بەرىلىپ كەتتىم. جۇمىس ۋاقىتىنان تىس ۇيىمە بارعاننان كەيىن يدەيامدى ىسكە اسىردىم. سۋرەتتەردى ءتىرىلتىپ كورۋگە تىرىستىم. ۇيلەردە بەينەلەنگەن سول سۋرەتتەردى نەلىكتەن تىرىلتپەسكە دەپ تولعاندىم»، - دەيدى الماز دۇيسەبايەۆ. ديزاينەر تاعى ءبىر قىزىقتى جوبانى قولعا الىپتى.

«قازاقستان تەمىر جولى» ورنالاسقان ەلورداداعى «كىتاپ» اتالىپ كەتكەن ەڭ بيىك عيماراتتاردىڭ ءبىرىن توبەدەن فوتوسۋرەتكە تۇسىرگەن. وسىدان كەيىن قالاداعى سول عيماراتتى ابايدىڭ كىتابى سەكىلدى بەينەلەپ، جۋىق ارادا الەۋمەتتىك جەلىگە تاراتپاق.

«شابىت كەلسە مۇنداي تۋىندى بىردەن جارىققا شىعادى. كەشە كەشكى ساعات جەتىدە «ءتىرىلىپ كەتكەن گالەرەيا» روليگىن تاراتىپ جىبەرگەن ەدىم. ۇيىمە كەلسەم شاعىن روليك ءبىرقاتار پابليكتەردى ارالاپ كەتىپتى. ءبىر ساعاتتىڭ ىشىندە اقپاراتتىق پورتالداردا دا جاريالانىپ كەتكەن ەكەن»، - دەيدى روليك اۆتورى.

ق ر پرەزيدەنتى تەلەراديوكەشەنىنىڭ motion ديزاينەرى الداعى ۋاقىتتا ۆيدەوروليكتەردى وڭدەپ، شىعارماشىلىق جۇمىستى جالعاستىرا بەرمەك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات