+7 (701) 759 90 19
28 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

كوروناۆيرۋس: پاندەميا كەزىندە ويلاپ تابىلعان ونەرتابىستار

3 ماۋسىم 20:28
:ءبولىسۋ
كوروناۆيرۋس: پاندەميا كەزىندە ويلاپ تابىلعان ونەرتابىستار

نۇر-سۇلتان. قازاقپارات - تاريح كورسەتكەندەي ادامزات قيىن جاعدايعا تاپ بولعاندا ماسەلەنىڭ باسقا شەشىمىن ىزدەي باستايدى، ناتيجەسىندە جاڭا ونەرتابىستار پايدا بولادى. كوروناۆيرۋس پاندەمياسى يننوۆاتسيالىق تەحنولوگيا ءۇشىن جاڭا ءداۋىردى باستاپ بەردى.

كوروناۆيرۋس تۋرالى سوڭعى مالىمەتتەر كوروناۆيرۋس ءورشىپ تۇرعان كەزدە قاۋىپسىز جانە جايلى ءومىر ءسۇرۋ ءۇشىن ءارتۇرلى قۇرالدار ويلاپ تابىلىپ جاتىر. سولاردىڭ بىرنەشەۋىمەن تانىستىرىپ وتەمىز.

مەديتسينالىق ماسكاداعى ىڭعايسىزدىقتى جوياتىن قۇرىلعى مەديتسينالىق ماسكادا بىرنەشە ساعات بويى ءجۇرۋ ماماندار ءۇشىن ىڭعايسىزدىقتى تۋدىرادى. تىنىس الۋدىڭ قيىندىعى، تەرلەۋدەن بولەك قۇلاقتىڭ ارتقى بولىگى قاجالادى. كانادالىق سكاۋت كۋينن روني بۇل قولايسىزدىقتىڭ قاراپايىم شەشىمىن تاپتى.


كۋينن روني

ول ماسكا ءجىبىن قۇلاقتىڭ ارتىنا تاعاتىن ەمەس، باستىڭ ارتقى بولىگىندە ىلەتىن قاراپايىم قۇرىلعى ويلاپ تاپقان. ونى 3D پرينتەردە باسىپ شىعارىپ، ءوز قالاسىنداعى اۋرۋحانالارعا تەگىن تاراتقان. كۋينندەر اۋلەتى بۇل قۇرىلعىنى الەۋمەتتىك جەلىگە سالعان. كەز كەلگەن ادام جۇكتەپ الىپ، 3D پرينتەردە باسىپ شىعارا الادى.

ۆيرۋستان قورعايتىن بەتپەردە


بريتاندىق بيوحيميكتەر 10 جىلدان بەرى ۆيرۋسقا قارسى قورعانىس قاباتى بار ماسكالار دايىنداپ كەلەدى. كوروناۆيرۋس پاندەمياسى بۇل پروتسەستى جەدەلدەتتى.

Virustatic Shield بەتپەردەسىنىڭ باسقا بەتپەردەلەردەن ايىرماشىلىعى - ميكروبتار مەن ينفەكتسيالاردان قورعايتىن ارنايى قاباتقا يە. بۇل بەتپەردە ينفەكتسيا قاۋپى بار اعزالار - اۋىزدى، قۇلاقتى، مۇرىندى تولىق جابادى. جەڭىل ماتادان جاسالعان، ۇزاق ۋاقىت كيگەن كەزدە ىڭعايسىزدىق تۋعىزبايدى، دەم الۋعا كەدەرگى كەلتىرمەيدى. بىرنەشە رەت قولدانۋعا ارنالعان، جۋۋعا بولادى.

قولدىڭ كومەگىنسىز ەسىكتى اشۋعا ارنالعان


قۇرىلعى كوروناۆيرۋس مەتالل بەتىندە 3 كۇنگە دەيىن ءومىر سۇرە الادى. سوندىقتان ەسىكتىڭ تۇتقاسىن ساقتىقپەن قولدانۋ كەرەك. ەسىك تۇتقالارىن قولدىڭ كومەگىنسىز بولاتىن بىرنەشە قۇرىلعىلار ازىرلەندى.

سولاردىڭ ءبىرى - لوندوندىق ديزاينەر ستيۆ برۋكس جاساعان گيگيەنالىق ىلگەك. گيگيەنالىق ىلگەك جەڭىل، قالتاعا سياتىن شاعىن جانە جۋۋعا بولاتىن ماتەريالدان جاسالعان. ىلگەكتى ليفت تۇيمەسىن باسۋ ءۇشىن دە پايدالانۋعا بولادى. ۋەلستىك تاعى ءبىر ونەرتاپقىش ۆين گريففيتس تە ەسىكتى قولدىڭ كومەگىنسىز اشۋدىڭ قاراپايىم جانە ەرەكشە ءادىسىن ويلاپ تاپقان.


تۇتقاعا بەكىتىلگەن قۇرىلعى سىزگە شىنتاقتى پايدالانىپ ەسىكتى اشۋعا مۇمكىندىك بەرەدى. گريففيتس جوبانى ينتەرنەتتە جاريالاپ، مۇمكىندىگى بار ادامدارعا قۇرىلعىنى 3D پرينتەردەن شىعارىپ، قاجەت بولعان جاعدايدا پايدالانۋعا بولاتىندىعىن ايتتى.

بەتتى قورعايتىن بىلەزىك


ۆيرۋستان ءوزىن- ءوزى قورعاۋدىڭ ەڭ باستى تالاپتارىنىڭ ءبىرى - قولمەن بەتتى ۇستاماۋ. ءبىراق بۇل وتە قيىن پروتسەسس. سەبەبى مۇنداي ءىس-ارەكەت اۆتوماتتى تۇردە جاسالادى. سيەتتلدىڭ ءۇش تۇرعىنى مۇنىڭ شەشىمىن تابۋعا تىرىسىپ، ادام ءىس- ارەكەتىن باسقاراتىن Immunotouch اتتى سمارت بىلەزىك ويلاپ تاپتى.

بىلەزىك سمارتفونعا قوسىلادى، ال ارنايى قوسىمشانى ورناتۋ كەزىندە بەت مۇشەلەرى بىلەزىكپەن «تانىستىرىلادى». ەگەر قولىڭىز اۆتوماتتى تۇردە بەتىڭىزگە جاقىنداي باستاسا، بىلەزىك بەلگى بەرەدى. ءونىم ساتىلىمدا، ونىڭ باعاسى شامامەن 50 دوللار.

كۋرەر دروندار


اسكەري جانە تاسپاعا ءتۇسىرۋ ماقساتىندا كەڭىنەن قولدانىلاتىن دروندى شەكتەۋلى كارانتين كەزەڭىندە كۇندەلىكتى تاپسىرمالاردى ورىنداۋ ءۇشىن دە قولدانۋعا بولادى.

قوسىمشا جۇكتى كوتەرە الاتىن جانە قاشىقتان باسقارىلاتىن درون مودەلىن جانە سمارتفونعا نەمەسە كومپيۋتەرگە قوسىپ ازىق- تۇلىك، ءدارى- دارمەك الىپ كەلۋگە بولادى.

الايدا، كوپتەگەن ەلدە درونداردى قولدانۋعا شەكتەۋ قويعان. مۇنداي شەكتەۋ تەحنولوگيانىڭ تانىمال بولۋىنا كەدەرگى كەلتىرەدى.

Massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات