قازاقستان اۋماعىندا جالعان ەۋرو وتكىزۋمەن اينالىسقان رەسەيلىك سوتتالدى
مامىر ايىندا قازاقستان اۋماعىندا نومينالى 500 ەۋرولىق جالعان كۋپيۋرانى وتكىزۋدى جۇزەگە اسىرعان ترانسۇلتتىق قىلمىستىق توپ قۇرامىنا ەنگەن تۇلعالارعا قاتىستى ايىپتاۋ ۇكىمى شىقتى.
ق ر ق م قارجى مونيتورينگى كوميتەتىنىڭ سولتۇستىك قازاقستان وبلىسى بويىنشا ەكونوميكالىق تەرگەۋلەر دەپارتامەنتىنىڭ قىزمەتكەرلەرى جالعان اقشا جەتكىزۋ كانالىنىڭ جولىن كەستى.
تەرگەۋ امالدارىن جۇرگىزۋ بارىسىندا اينالىمنان 500 ەۋرو نومينالىنداعى 151 جالعان كۋپيۋرا الىندى.
«پەتروپاۆل قالالىق سوتىنىڭ ۇكىمىمەن ايىپتالۋشىلار ق ر قىلمىستىق كودەكسىنىڭ 264-بابى 2- ءبولىمى، 231-بابى 3- ءبولىمى، 190-بابى 4- ءبولىمى، 392-بابى 1- ءبولىمى، 218-بابى 2- ءبولىمى بويىنشا كىنالى دەپ تانىلدى. قىلمىس جاساۋعا تىكەلەي قاتىسقان رەسەي فەدەراتسياسىنىڭ ازاماتى قازاقستان رەسپۋبليكاسىنىڭ شەگىنەن تىسقارى جەرگە بەس جىل مەرزىمگە شىعارىلىپ، وعان مۇلكىن تاركىلەنۋمەن، 5 جىل مەرزىمگە باس بوستاندىعىنان ايىرۋ تۇرىندە جازا تاعايىندالدى، قىلمىس جاساۋدا سەرىكتەس بولعان تۇلعالارعا 5 جىلعا پروباتسيا باقىلاۋىن بەلگىلەۋمەن شارتتى تۇردە 5 جىلعا باس بوستاندىعىنان ايىرۋ تۇرىندە جازا تاعايىندالدى»، دەلىنگەن حابارلامادا.