+7 (701) 759 90 19
28 °С : نۇر-سۇلتان
32 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

ۇيىندە ارىستان اسىراعان پاۆلودار تۇرعىنىنا ايىپپۇل سالىندى

3 ماۋسىم 17:04
:ءبولىسۋ
ۇيىندە ارىستان اسىراعان پاۆلودار تۇرعىنىنا ايىپپۇل سالىندى

پاۆلودار. قازاقپارات - جاس جىگىت رەسەيدە افريكالىق ارىستاننىڭ كۇشىگىن ساتىپ الىپ، ونى ەشقانداي رۇقساتسىز قازاقستانعا الىپ كەلگەن، دەپ حابارلايدى قازاقپارات ءتىلشىسى.

«سماعۇلوۆ دانيال امانگەلدى ۇلى اكىمشىلىك كودەكستىڭ 389-بابى ءبىرىنشى بولىگى بويىنشا كىنالى دەپ تانىلىپ، وعان 27780 تەڭگە كولەمىندە ايىپپۇل سالىنسىن جانە 2019 -جىلدىڭ بەسىنشى قاراشاسىندا تۋعان سيمبا ەسىمدى افريكالىق ارىستاننىڭ كۇشىگى تاركىلەنسىن»، - دەپ شەشىم شىعاردى پاۆلودار قالاسى مامانداندىرىلعان اكىمشىلىك سوتىنىڭ سۋدياسى سەرىك ماردانوۆ.

سوتتىڭ مالىمەتى بويىنشا، 9 -ساۋىردە «براكونەر» جەدەل- پروفيلاكتيكالىق ءىس- شارا بارىسىندا الەۋمەتتىك جەلىگە مونيتورينگ جۇرگىزۋ كەزىندە 23 جاستاعى دانيال سماعۇلوۆتىڭ افريكالىق ارىستان كۇشىگى بار ەكەنى انىقتالدى.

بەلگىلى بولعانداي، ول 31-ناۋرىزدا جابايى جانۋاردى رەسەيدەن سايكەس رۇقسات قۇجاتىنسىز قازاقستانعا اكەلگەن. ارىستان كۇشىگى قۇرىپ كەتۋ قاۋپى تونگەن جابايى فاۋنا مەن فلورا تۇرلەرىمەن حالىقارالىق ساۋدا تۋرالى كونۆەنتسياعا جاتاتىن بولىپ شىقتى. وعان وسىلايشا اكىمشىلىك قۇقىق بۇزدى دەگەن ايىپ تاعىلدى. جىگىت سوتتا كىناسىن مويىندادى.

«ول افريكالىق ارىستاندى اكەلۋگە رۇقسات قۇجاتىن الماعانىن ءتۇسىندىردى. ول جانۋاردى 2020 -جىلدىڭ 11-اقپانىندا ر ف «امۋرسكي تيگر» جاۋاپكەرشىلىگى شەكتەۋلى قوعامداستىعىنان ساتىپ الىپ، قازاقستان رەسپۋبليكاسىنىڭ اۋماعىنا الىپ وتكەن» دەپ حابارلادى سوتتان.

سوت ىسىنە قاتىسقان پاۆلودار وبلىسى ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ باس مامانى قابدۋللا سۋحانقۇلوۆ افريكالىق ارىستاننىڭ جويىلۋ قاۋپى بار جانۋارلار تۇرىنە جاتاتىنىن جانە قۇرىپ كەتۋ قاۋپى تونگەن جابايى فاۋنا مەن فلورا تۇرلەرىمەن حالىقارالىق ساۋدا تۋرالى كونۆەنتسياعا ەنەتىن وسىنداي جانۋارلاردى اكەلۋ ءۇشىن مىندەتتى تۇردە رۇقسات قۇجاتى بولۋى كەرەكتىگىن اتاپ ءوتتى.

«جانۋاردىڭ جەكە كارتوچكاسى بولعان. وعان سايكەس، ارىستاننىڭ كۇشىگى ر ف «امۋرسكي تيگر» جاۋاپكەرشىلىگى شەكتەۋلى قوعامداستىعىندا (پريمور ولكەسى شكوتوۆو اۋدانى شكوتوۆو كەنتى) تۋعان. سيمبا اتتى افريكالىق ارىستاننىڭ حالىقارالىق ۆەتەرينارلىق ءتولقۇجاتى بار، الايدا افريكالىق ارىستاندى الىپ وتۋگە رۇقساتى بولماعان»، - دەپ اتاپ ءوتتى پاۆلودار قالالىق مامانداندىرىلعان اكىمشىلىك سوتىنان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات