+7 (701) 759 90 19
18 °С : نۇر-سۇلتان
23 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

تالاپكەرلەر جوعارى وقۋ ورنىن تاڭداۋدا نازار اۋدارتىن ماسەلەلەر

3 ماۋسىم 16:27
:ءبولىسۋ
تالاپكەرلەر  جوعارى وقۋ ورنىن تاڭداۋدا نازار اۋدارتىن ماسەلەلەر

نۇر- سۇلتان. قازاقپارات - ءبىلىم جانە عىلىم مينيسترلىگى ءبىلىم بەرۋ بويىنشا ساپالى قىزمەت كورسەتپەيتىن جوعارى وقۋ ورىندارىن وڭتايلاندىرۋ بويىنشا جۇمىستى جالعاستىرۋدا، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

مينيسترلىكتىڭ مالىمدەۋىنشە، قازاق ەڭبەك جانە الەۋمەتتىك قاتىناستار اكادەمياسىندا دا بەلگىلى ءبىر دايىندىق باعىتتارى بويىنشا ءبىلىم بەرۋ قىزمەتىن جۇرگىزۋ قۇقىعىنا بەرىلەتىن ليتسەنزياعا قوسىمشالاردىڭ قولدانىلۋى ءبىر ايعا توقتاتىلعان (04.06.2020 ج. باستاپ زاڭدى كۇشىنە ەنەدى) .

سونىمەن قاتار الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن شەت تىلدەر جانە ىسكەرلىك كارەرا ۋنيۆەرسيتەتى «گۋمانيتارلىق عىلىمدار» ، «جاراتىلىس تانۋ عىلىمى پاندەرى بويىنشا مۇعالىمدەردى دايارلاۋ» ، «پەداگوگيكا جانە پسيحولوگيا» سياقتى دايارلاۋدىڭ بىرنەشە باعىتى بويىنشا ليتسەنزياعا قوسىمشالارىنان ايىرىلدى (08.06.2020 ج. باستاپ زاڭدى كۇشىنە ەنەدى) .

ال، قايتالاپ جۇرگىزىلگەن مەملەكەتتىك باقىلاۋ ناتيجەسى بويىنشا 2020 -جىلعى 18 -مامىردا د. ا. قونايەۆ اتىنداعى ەۋرازيالىق زاڭ اكادەمياسىندا ليتسەنزياعا قوسىمشالاردىڭ قولدانىسى ءبىر ايعا توقتاتىلدى (29.05.2020 ج. باستاپ زاڭدى كۇشىنە ەندى) .

«بۇدان دەيىن حابارلاعانىمىزداي، 2021 -جىلدان باستاپ ءبىلىم تۋرالى جەكە ۇلگىدەگى قۇجاتتاردى بەرۋ نورماسى ەنگىزىلەدى، ياعني، مەملەكەتتىك ۇلگىدەگى ديپلومدار بولمايدى. ديپلومدار ءىس جۇزىندە جوعارى وقۋ ورنىنىڭ تابىستىلىعى مەن تانىمالدىعىن كورسەتەتىن بولادى» ، دەلىنگەن حابارلامادا.

وسى ورايدا تالاپكەرلەر مىناداي اسپەكتىلەرگە نازار اۋدارعانى ءجون:

- جوعارى وقۋ ورنىنىڭ QS الەمنىڭ ۇزدىك ج و و رەيتىنگىسىندە جانە «اتامەكەن» ۇ ك پ جۇرگىزەتىن ءبىلىم بەرۋ باعدارلاماسى رەيتينگىسىندە الاتىن ورنى؛

- ج و و- نىڭ مارتەبەسى مەن اكادەميالىق بەدەلى؛

- ۇسىنىلاتىن ءبىلىم بەرۋ قىزمەتىنىڭ ساپاسى.

كادرلاردى دايارلاۋدىڭ وزەكتى باعىتتارى مەن تۇلەكتەردىڭ جۇمىسقا ورنالاسۋى تۋرالى اقپاراتتى «اتامەكەن» ۇ ك پ- نىڭ ءبىلىم بەرۋ باعدارلامالارىن باعالاۋ قورىتىندىسى بويىنشا جاسالعان رەيتينگىسىن پايدالانا وتىرىپ، الۋعا بولادى. رەيتينگ «اتامەكەن» ۇ ك پ مەن ق ر ءبىلىم جانە عىلىم مينيسترلىگىنىڭ رەسمي سايتتارىندا ورنالاستىرىلعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات