+7 (701) 759 90 19
19 °С : نۇر-سۇلتان
22 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

كوكجايلاۋعا ەرەكشە قورعالاتىن تابيعي اۋماق مارتەبەسى قايتارىلادى

3 ماۋسىم 13:29
:ءبولىسۋ
كوكجايلاۋعا ەرەكشە قورعالاتىن تابيعي اۋماق مارتەبەسى قايتارىلادى

نۇر- سۇلتان. قازاقپارات - پارلامەنت ماجىلىسىندە قارالىپ جاتقان ەرەكشە قورعالاتىن تابيعي اۋماقتار ماسەلەلەرىنە قاتىستى زاڭ جوباسى ارقىلى 1,5 مىڭ گ ا اۋماقتى ەرەكشە قورعالاتىن تابيعي اۋماق مارتەبەسىنە قايتارۋ كوزدەلىپ وتىر، دەپ حابارلايدى قازاقپارات ءتىلشىسى.

«ءسىزدىڭ مينيسترلىكتەرىڭىزدىڭ اقپاراتىنا سەنسەك بۋراباي مەملەكەتتىك، ۇلتتىق تابيعي پاركىنىڭ 370 گ ا اۋماعى بۋراباي اەا قاجەتتىگىنە بولىنگەن. 2014 -جىلى كوكجايلاۋ تاۋ- شاڭعىلى كۋرورتىن سالۋ ءۇشىن ىلە- الاتاۋ ۇلتتىق تابيعي پاركىنىڭ مىڭ گەكتارعا جۋىق بولىگى قاراستىرىلعان. بۇگىنگە دەيىن ول جەردە پودستانتسيا سالىندى. وسىعان بايلانىستى اتالعان اۋماقتىڭ ءبارى دە ەرەكشە قورعالاتىن تابيعي اۋماق ساناتىنا قايتارىلا ما؟» - دەپ سۇرادى ءماجىلىستىڭ جالپى وتىرىسىندا دەپۋتات يۆان كليمەنكو.

ماجىلىسمەننىڭ سۇراعىنا ەكولوگيا، گەولوگيا جانە تابيعي رەسۋرستار ۆيتسە- ءمينيسترى ەرلان نىسانبايەۆ جاۋاپ بەردى.

«وزدەرىڭىز بىلەتىندەي شۋچە- بۋراباي كۋرورتتىق اۋماعىن دامىتۋ ءۇشىن 370 گ ا اۋماقتى بولدىك. بۇگىنگى تاڭدا ونىڭ 260 گ ا بولىگى يگەرىلدى. ەندىگى 110 گ ا بولىگىن بۇگىنگى كۇنى ەرەكشە قورعالاتىن تابيعي اۋماق قۇرامىنا قايتارۋدى كوزدەپ وتىرمىز. كوكجايلاۋ بويىنشا تاۋ- شاڭعىلى كەشەندى سالۋعا جەر بولگەنبىز. الايدا بۇل جوبادان قازىر باس تارتۋ تۋرالى شەشىم قابىلداندى. سول سەبەپتى بۇگىنگى تاڭدا قالا اكىمدىگى بۇل جەر اۋماقتارىن قايتارۋعا كەلىسىپ وتىر. وسىعان وراي زاڭ ارقىلى جەڭىلدەتىلگەن تارتىپپەن ەشقانداي شىعىنسىز ونى قايتارۋدى كوزدەيمىز. پاركتەردىڭ اۋماعىنا ەشقانداي وزگەرىستەر ەنگىزىلمەيدى»، - دەدى ەرلان نىسانبايەۆ.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات