پايدالانىلماي جاتقان جەردى قايتارۋدى تەزدەتەدى - نىعماتۋلين جاڭا زاڭ جوباسى جايلى

None
None
نۇر- سۇلتان. قازاقپارات - ءماجىلىس ءتوراعاسى نۇرلان نىعماتۋلين ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنىڭ نەگىزگى ماقساتىن اتادى، دەپ حابارلايدى قازاقپارات ءتىلشىسى.

ايتا كەتسەك، پارلامەنت ماجىلىسىندە كەيبىر زاڭنامالىق اكتىلەرگە ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسى تانىستىرىلعان بولاتىن. زاڭ جوباسىنىڭ نەگىزگى ماقساتى - بۇرىن تۋريزم نىساندارى مەن ەرەكشە ستراتەگيالىق ماڭىزى بار قۇرىلىستاردى (سۋ شارۋاشىلىعى قۇرىلىسجايلارى، مەملەكەتتىك شەكارا وبەكتىلەرى، قورعانىس مۇقتاجى) سالۋ جانە ولاردىڭ جۇمىس ىستەۋى ءۇشىن شىعارىلعان، ماقساتى بويىنشا پايدالانىلمايتىن جەردى ەرەكشە قورعالاتىن تابيعي اۋماقتار جەرىنە قايتارۋ بولىپ وتىر.

«بۇگىن ءبىز وتە ماڭىزدى زاڭ جوباسىن قابىلدادىق. ونى ارىپتەستەرىمىز - ءماجىلىس دەپۋتاتتارى ازىرلەدى. ول ەرەكشە قورعالاتىن تابيعي اۋماقتار جۇيەسىن قۇقىقتىق رەتتەۋدەگى كەمشىلىكتەردى جويادى. وسى زاڭ جوباسىنىڭ ارقاسىندا كەيبىر جەردى، ونىڭ ىشىندە ماقساتتى تۇردە پايدالانىلماي جاتقان جەردى ەرەكشە قورعالاتىن تابيعي اۋماقتار قاتارىنا قايتارۋ پروتسەسىن جەڭىلدەتەدى. ول جۇمىس وتە ماڭىزدى. وزدەرىڭىز بىلەتىندەي، ەل باسشىلىعى ماقساتتى تۇردە پايدالانىلماي جاتقان جەردى مەملەكەت مەنشىگىنە قايتارۋ ماسەلەسىن بىرنەشە مارتە كوتەرگەن بولاتىن. وسى زاڭ جوباسىنىڭ نورمالارى - جەدەلدەتىلگەن فورماتتا وسىناۋ ماڭىزدى ماسەلەنى تەزىرەك شەشۋگە كومەكتەسەدى»، - دەدى ءماجىلىس ءتوراعاسى نۇرلان نىعماتۋلين.

ونىڭ ايتۋىنشا وسىلايشا ەرەكشە قورعالاتىن تابيعي اۋماقتاردى ساقتاپ قالۋعا مۇمكىندىك زور.

«جالپى ايتقاندا، وسى زاڭ جوباسىنىڭ باستى ماقساتى - ەرەكشە قورعالاتىن تابيعي اۋماقتاردى ءتيىستى دەڭگەيدە قۇقىقتىق تۇرعىدا قامتاماسىز ەتۋ. بۇل - تابيعي ايماقتاردى ودان ارى نىعايتۋعا، سونىمەن بىرگە ۇلتتىق ەكونوميكانى دامىتۋعا ىقپال ەتەتىن بولادى»، - دەدى ول.

اۆتور: ايان بەكەن ۇلى

سوڭعى جاڭالىقتار