قازاقستاندا ەشقانداي دا قوس بيلىك جوق - قاسىم- جومارت توقايەۆ

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ رەسەيدىڭ «كومسومولسكايا پراۆدا» گازەتىنە بەرگەن سۇحباتىندا ق ر تۇڭعىش پرەزيدەنتى نۇرسۇلتان نازاربايەۆتىڭ تاريحي ءرولى تۋرالى پىكىر ءبىلدىردى، دەپ حابارلايدى قازاقپارات.

«تۇڭعىش پرەزيدەنت نۇرسۇلتان نازاربايەۆ - قازىرگى قازاقستاننىڭ نەگىزىن قالاۋشى، اۋقىمى كەڭ تاريحي تۇلعا. جاقىندا (6 - شىلدە كۇنى) ءبىز ەلباسىنىڭ 80 جاسقا تولعان مەرەيتويىن اتاپ وتەمىز. ارينە، ونىڭ ەلىمىز بەن حالىقارالىق قاۋىمداستىق الدىنداعى ەڭبەگى جونىندە ايتامىز. ءبىز ءۇشىن ونىڭ تاريحي جانە ساياسي مۇراسىن ساقتاپ قالۋ ماڭىزدى. بۇل قازاقستاننىڭ مەملەكەتتىلىگىن نىعايتۋ ءۇشىن اسا قاجەت. سوندىقتان، مەنىڭ سايلاۋالدى باعدارلامامنىڭ العاشقى پۋنكتى ساباقتاستىق دەپ اتالدى»، - دەپ جاۋاپ بەردى پرەزيدەنت ءتىلشى سۇراعىنا.

سونىمەن بىرگە، قاسىم- جومارت توقايەۆ تۇڭعىش پرەزيدەنتتىڭ وزىنە قولداۋ كورسەتكەنىن ايرىقشا اتاپ ءوتتى.

«قازىرگى كۇردەلى جاعدايدا ن. نازاربايەۆ مەنىڭ داعدارىستان جەدەل شىعۋ، جاڭا ەكونوميكا قۇرىپ، ازاماتتارعا ماتەريالدىق كومەك بەرۋ جونىندەگى باعىتىما ناقتى قولداۋ كورسەتتى. ەشقانداي قوس بيلىك جوق. بۇل تۋرالى نۇرسۇلتان ءابىش ۇلىنىڭ ءوزى دە بىرنەشە رەت ايتتى جانە قوعامدى قازىرگى پرەزيدەنتتىڭ اينالاسىنا بىرىگۋگە شاقىردى»، - دەدى ق ر پرەزيدەنتى.

ەسكە سالايىق، بۇگىن مەملەكەت باسشىسىنىڭ رەسەيدىڭ «كومسومولسكايا پراۆدا» گازەتىنە سۇحباتى جاريالاندى.

اۆتور: ايجان سەرىكجان قىزى

سوڭعى جاڭالىقتار