+7 (701) 759 90 19
28 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

ترامپ ا ق ش جەرىندەگى تارتىپسىزدىكتى تەرروريزمگە تەڭەدى

3 ماۋسىم 09:20
:ءبولىسۋ
ترامپ ا ق ش جەرىندەگى تارتىپسىزدىكتى تەرروريزمگە تەڭەدى

نۇر- سۇلتان. قازاقپارات - ا ق ش- تا وسىمەن ءبىر اپتا ەرەۋىلدەردىڭ باسىلاتىن ءتۇرى جوق. نيۋ- يوركتە دۇكەندەردى توناۋ، عيماراتتاردى قيراتۋ دەرەكتەرى ءالى جالعاسۋدا. سول سەبەپتى مۇندا كومەندانتتىق ساعات جاريالاندى.

شولۋشىلار مۇنداي قاقتىعىستاردى 60 جىلداردان بەرى العاش كورۋىمىز دەيدى. ەندى رەسمي ساراپتاما ناتيجەلەرىن قولعا العان فلويد وتباسىنىڭ ادۆوكاتتارى تۇتقىنداۋعا قاتىسقان پوليتسەيدىڭ تورتەۋى دە جازاعا تارتىلسىن دەپ وتىر. نەگىزى بۇل ىسكە قاتىستى ءتارتىپ ساقشىلارىنىڭ تەك بىرەۋى عانا قاماۋعا الىنعان ەدى. قالعان ۇشەۋى تەك قىزمەتىنەن بوساتىلعان. ال مارقۇمنىڭ باۋىرى بۇلىك شىعارىپ، تارتىپسىزدىكتەر ورناتقان جۇرتتى سابىرعا شاقىردى.

تەررانس فلويد، مارقۇمنىڭ باۋىرى:

- سىزدەردىڭ قانداي كۇيدە ەكەندەرىڭىزدى جاقسى تۇسەنىمىن. الايدا قازىر نە ىستەپ جاتسىزدار؟ بۇلارىڭىز نە؟ مەنىڭ باۋىرىم قايتىپ ورالمايدى. ول ءتىرى بولسا مۇنداي جاعدايدى كورگىسى كەلمەس ەدى. ءبىز ءوز ويىمىزدى جەتكىزۋ ءۇشىن وزگەشە جولمەن ارەكەت ەتۋىمىز كەرەك.

جۇرتتى اقىلعا كەلۋگە پوليتسەيلەر دە شاقىرىپ وتىر. ءبىراز ءتارتىپ ساقشىسى ەرەۋىلشىلەردى قولدايتىندارىن جەتكىزدى. ءبىراق ولار اشۋعا بوي الدىرماي، بەيبىت ەرەۋىل وتكىزۋگە ۇندەپ وتىر. وسىلاي دەگەن پوليتسەيلەر تىزە بۇگىپ، شەرۋشىلەرگە قولداۋ كورسەتتى. سونداي اسەرلى بەينەجازبالاردىڭ ءبىرى كاليفورنيا شتاتىندا تۇسىرىلگەن.

توم حەنسون، پوليتسەي:

- مەنىڭ پوليتسيادا جۇمىس ىستەپ جۇرگەنىمە 34 جىل بولدى. تالاي ادامعا كومەگىم ءتيدى. ءبىراق جۇمىس بابى بويىنشا ەشكىمدى رەنجىتىپ كورگەن ەمەسپىن. سوندىقتان پوليتسەيلەردىڭ بارلىعى بىردەي جامان دەپ، كوپكە توپىراق شاشۋدىڭ قاجەتى جوق. ءتارتىپ ساقشىلارى سىزدەردىڭ قاۋىپسىزدىگىڭىز ءۇشىن قولدان كەلگەننىڭ ءبارىن جاسايدى.

نيۋ- يوركتەگى قازاق پوليتسەي ديماش نيازوۆ تا سوڭعى وقيعالارعا قاتىستى ءوز ويىمەن ءبولىستى. ءبىزدىڭ ا ق ش- تاعى تىلشىمىزگە بەرگەن سۇحباتىندا ول نيۋ- يوركتەگى جاعداي جايلى باياندادى.

ديماش نيازوۆ، پوليتسەي:

- كەشە 20 ساعات بويى جۇمىستا بولدىم. شىنىمدى ايتسام، بۇل مەنىڭ ومىرىمدەگى ەڭ اۋىر كۇن بولدى. 10 مىڭداي ادام Barclays ستاديونىنا باسىپ كىرۋگە ارەكەتتەندى. الايدا پوليتسەيلەر ەرەۋىلشىلەردىڭ بۇل ارەكەتىنە توسقاۋىل بولدى. جالپى اشۋعا بۋلىققان جۇرت پوليتسەيلەرگە قولعا تۇسكەننىڭ ءبارىن لاقتىردى. ال كۇن باتقاندا بىزگە وق جاۋدىرا باستادى. ءبىراق بىردە- ءبىر ءتارتىپ ساقشىسى ودان زارداپ شەككەن جوق. الايدا ءبىر ايەل ادام قازا تاپتى. قازىر ءبىز ازاماتتاردى سابىرعا شاقىرۋ ءۇشىن قولدان كەلگەننىڭ ءبارىن جاساۋعا تىرىسىپ جاتىرمىز. تاعى ءبىر ايتا كەتەرلىك جايت، ەرەۋىلگە شىققان جۇرتتىڭ ءبارى قاتىگەزدىككە جول بەرىپ جاتقان جوق.

بەيبىت شەرۋگە شىقپاق بولعانداردىڭ دا قاراسى قالىڭ. جالپى، ەلدەگى ەرەۋىل كەنەتتەن تۋعان جوق. جانە تۇپكى ماسەلە ناسىلشىلدىكتە ەمەس. كەيبىرەۋلەر وسىلايشا ترامپتان قۇتىلعىسى كەلەدى. ال ترامپ بولسا ەركىندىك پەن كاپيتاليزمدى قالايدى. نەگىزى پوليتسەيلەردەن بولەك قاراپايىم حالىق تا ەرەۋىلشىلەردى سابىرعا شاقىرىپ وتىر.

ال بيلىكتىڭ پىكىرىنە كەلسەك، ا ق ش پرەزيدەنتى بۇل وقيعالاردى بەيبىت شەرۋ ەمەس، ىشكى لاڭكەستىك دەپ سانايدى. سوندىقتان ورەكپىگەن جۇرتتى تاراتۋ ءۇشىن اسكەر قولدانۋى مۇمكىن ەكەنىن جەتكىزدى. نەگىزى، 1878 -جىلى قابىلدانعان زاڭ بويىنشا قارۋلى كۇشتەر ەل ىشىندە ارەكەت ەتۋى ءۇشىن ەڭ الدىمەن كونگرەستىڭ رۇقساتىن الۋ كەرەك. الايدا BBC اگەنتتىگىنىڭ حابارلاۋىنشا، دونالد ترامپ 1807 -جىلى قابىلدانعان «بۇلىك ارەكەتتەرىنە قارسى ارەكەت ەتۋ تۋرالى» زاڭدى قولدانامىن دەپ وتىر. وعان سايكەس، شتات گۋبەرناتورلارى جاپپاي تارتىپسىزدىكتەر كەزىندە فەدەرالدىق ۇكىمەتتەن اسكەر جىبەرۋىن سۇراي الادى. الايدا بىردە- ءبىر گۋبەرناتور ءالى ونداي ءوتىنىش بىلدىرمەگەن. ولار ادەتتە مۇنداي جاعدايدا ۇلتتىق گۆارديانىڭ كومەگىنە جۇگىنەدى.

دونالد ترامپ، ا ق ش پرەزيدەنتى:

- مەنىڭ پرەزيدەنت رەتىندەگى باستى مىندەتىم - ەلىمىز بەن امەريكاندىقتاردى قورعاۋ. مەنىڭ اكىمشىلىگىم دە دجوردج فلويدتىڭ قازاسىنا قاتىستى ادىلدىكتى قالايدى. الايدا اشىنعان بۇلىكشىلەر كەسىرىنەن بەيبىت شەرۋشىلەردىڭ جانايقايى ەستىلمەي جاتىر. وسى رەتتە ءاربىر گۋبەرناتور كوشەدە جۇرگەن ۇلتتىق گۆارديا جاۋىنگەرلەرىنىڭ جەتكىلىكتى سانىن قامتاماسىز ەتۋ كەرەك. ەگەر قانداي دا ءبىر شتات نە قالا باسشىلىعى ودان باس تارتادى ەكەن، مەن بۇل ماسەلەگە اسكەريلەردى تارتۋعا ءماجبۇر بولامىن. كومەندانتتىق ساعات ساقتالۋ كەرەك. ونى بۇزعاندار زاڭ الدىندا جاۋاپقا تارتىلادى.

ا ق ش بيلىگىنىڭ ەرەۋىلشىلەرگە قاتىستى ارەكەتىنە ب ۇ ۇ قارسى. انتونيۋ گۋتتەريش شەرۋشىلەردى تاراتۋ ءۇشىن پوليتسەيلەردىڭ قاتاڭ شارالار قولدانعانىن قالامايدى. سوڭعى مالىمەت بويىنشا، كۇشىنە سەنگەن تەك پوليتسەيلەر عانا ەمەس. ماسەلەن، لاس- ۆەگاستا ەرەۋىلدەر كەزىندە الدەكىمدەر ءتارتىپ ساقشىسىن باستان اتىپ، ءولتىردى. وسىلايشا ەل ىشىندە الاۋىزدىق تۋىپ، تولقۋ كوبەيىپ تۇر. سوندىقتان كومەندانتتىق ساعاتتىڭ قاشان اياقتالارى بەلگىسىز.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات