ءۇندىستان كوروناۆيرۋس جۇقتىرعاندار سانى بويىنشا الەمدە جەتىنشى ورىندا

نيۋ- دەلي. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، ءۇندىستان كوروناۆيرۋس ينفەكسياسىن (COVID-19) جۇقتىرعاندار سانى بويىنشا الەمدە جەتىنشى ورىندا تۇر.

بۇل تۋرالى قازاقپارات Chinadaily-گە سىلتەمە جاساپ حابارلايدى.

ءۇندىستاننىڭ دەنساۋلىق ساقتاۋ فەدەرالدىق مينيسترلىگى ەلدە اۋرۋعا شالدىققانداردىڭ جالپى سانى 190535 ادامعا جەتكەنىن، دۇيسەنبى كۇنى 5394 ادام قايتىس بولعانىن مالىمدەدى. مينيسترلىكتىڭ مالىمەتىنشە، سوڭعى 24 ساعاتتا كوروناۆيرۋس ينفەكسياسى تابىلعان 8392 ادام تىركەلگەن.

دەنساۋلىق ساقتاۋ سالاسىنداعى ساراپشىلار بۇل كورسەتكىشتى ءۇندىستاندا COVID-19-عا تەكسەرىلگەن تۇرعىندار سانىنىڭ وسۋىمەن جانە كارانتين شەكتەۋىنىڭ جەڭىلدەتىلۋىنە بايلانىستى دەپ وتىر.

ماحاراشترا شتاتى ينفەكسيا جۇقتىرعاندار سانى بويىنشا كوش باستاپ كەلەدى، سودان كەيىنگى ورىندا تاميل نادۋ مەن دەلي تۇر.