+7 (701) 759 90 19
1
USD 430.51 EUR 505.72
RUB 5.51 CNY 64.14
جاڭالىقتار

جەڭىلدەتىلگەن شاعىن نەسيە دەپ ەلدى الداعان الاياق ۇستالدى

3 ماۋسىم 07:23
:ءبولىسۋ
جەڭىلدەتىلگەن شاعىن نەسيە دەپ ەلدى الداعان الاياق ۇستالدى

الماتى. قازاقپارات - الماتىدا ونلاين ميكرونەسيە الىپ بەرەمىن دەپ كليەنتتەردىڭ كارتاسىنداعى اقشانى جىمقىرعان ادام ۇستالدى، دەپ حابارلايدى قازاقپارات ءتىلشىسى.

24 جاستاعى جىگىت جارناما سايتىندا قارجىلىق قىزمەتتەرگە، اتاپ ايتقاندا جەڭىلدەتىلگەن شارتتارمەن ميكرونەسيە بەرۋ تۋرالى حابارلاندىرۋ جاريالادى.

جۇرتشىلىقتى تومەن پايىز بەن جەڭىل شارتتارى قىزىقتىرعان.

«تەك 2015 -جىلدان بەرى ول ءتورت رەت الاياقتىق ارەكەتى ءۇشىن جانە ءبىر رەت قاراقشىلىق ءۇشىن جاۋاپقا تارتىلدى. ادامدار ونىڭ جارناماسىنا سەنىپ، ونىمەن حابارلاسقاننان كەيىن ول كەلىسىمشارت جاساعانى ءۇشىن تولەم رەتىندە جالپى سومانىڭ 10 پايىزىن تالاپ ەتتى. بۇدان ءارى، ميكرونەسيە بويىنشا اقشا اۋدارۋ ءۇشىن «كليەنت» جەكە مالىمەتتەرىن: جەكە كۋالىگىن جانە بانكتىك كارتانىڭ فوتوسىن ەكى جاعىنان ۇسىنۋى كەرەك بولعان. بانك كارتوچكالارىنىڭ ءنومىرىن جانە كارتانىڭ ارتقى جاعىندا كورسەتىلگەن CVV كودىن بىلە وتىرىپ، «قارىز الۋشى» بۋكمەكەرلىك كەڭسەلەردىڭ ينتەرنەت- تەرمينالدارى ارقىلى اقشا اۋدارادى. ول ەشكىمگە قارجىلىق قىزمەت كورسەتپەيتىنى انىق. قازىر وعان قاتىستى الاياقتىققا قاتىستى سوتقا دەيىنگى تەرگەۋ جۇرگىزىلىپ جاتىر. قانشالىقتى اشىق بولسا دا ادامدار كيبەرقىلمىسكەرلەردىڭ قۇربانى بولماس ءۇشىن جەكە دەرەكتەردى، سونداي- اق بانكتىك كارتا دەرەكتەرىن ءۇشىنشى ادامعا بەرمەۋ كەرەكتىگىن ۇمىتپاۋى كەرەك»، - دەدى الماتى قالالىق پ د كريمينالدىق پوليتسيا باسقارماسىنىڭ باسشىسى ەركىن ىڭكاروۆ.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات