جامبىلدا ۇرلانعان كولىكتى اعاش اراسىنا جاسىرىپ، قىرعىزستانعا اپارا جاتقان جۇرگىزۋشى ۇستالدى
«2020 -جىلى 1-ماۋسىمدا «ايشا ءبيبى» (جامبىل وبلىسى) اۆتوكولىك وتكىزۋ بەكەتىندەگى شەكاراشىلار ۇرلانعان «مەرسەدەس-بەنس» جەڭىل كولىگىن قىرعىزستانعا الىپ وتپەك بولعانداردىڭ جولىن كەستى. زاڭسىز شىعارۋ ءۇشىن قىلمىستى ۇيىمداستىرۋشىلار كولىكتى جۇك كولىگىنە ارامەن كەسىلگەن اعاشتاردىڭ ورتاسىنا جاسىرعان. جۇرگىزۋشىدە كولىك قۇجاتتارى بولماعان»، - دەپ حابارلادى ۇلتتىق قاۋىپسىزدىك كوميتەتىنىڭ باسپا ءسوز قىزمەتى.
كوميتەتتىڭ حابارلاۋىنشا، تابىلعان جەڭىل كولىك جامبىل وبلىسىنىڭ مەملەكەتتىك كىرىستەر دەپارتامەنتىنە جىبەرىلدى.
«بۇل - ايشا ءبيبى بەكەتىندەگى كولىكتى جاسىرىن الىپ وتپەك بولعان ەكىنشى وقيعا. ق ر ۇ ق ك شەكارا قىزمەتىنىڭ اۋماقتىق بولىمشەلەرى قازاقستان اۋماعىنان كولىكتى زاڭسىز شىعارۋعا جول بەرمەۋگە كوڭىل بولەدى» دەلىنگەن حابارلامادا.
اۆتور: ايجان سەرىكجان قىزى