+7 (701) 759 90 19
18 °С : نۇر-سۇلتان
23 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

بارىمتا مەن سارىمتا

2 ماۋسىم 22:34
:ءبولىسۋ
بارىمتا مەن سارىمتا

نۇر-سۇلتان. قازاقپارات -تىلىمىزدە بارىمتا جانە سارىمتا دەگەن سوزدەر بار. «كورسە - بارىمتا، كورمەسە - سارىمتا» دەگەن ماقال دا كەزدەسەدى. ءبىر- بىرىنە ۇقساس، ماعىنالاس سوزدەر. الايدا ايىرماسى بار.

بارىمتا دەگەن - كورىنەۋ كوزگە بىرەۋدىڭ مالىن تالاۋ، ايداپ اكەتۋ. ول اشىق جاۋلىققا ساياتىن رۋلار اراسىنداعى كەسەك قيمىل. ماسەلەن، اباي جولى ەپوپەياسىندا تاكەجانعا وشتەسكەن بازارالى ونىڭ جىلقىلارىن بارىمتالاپ كەتەتىنى بار. بارىمتانى كەك قايتارۋ، ءوش الۋ ماقساتىندا جاسايدى. بىتپەگەن داۋ، الىنباعان ايىپ، تولەنبەگەن قۇن - وسىلاردىڭ ارتى بارىمتاعا اكەپ سوعادى. بارىمتادا مال ءبىر- بىرلەپ ەمەس، ۇيىرىمەن، جۇزدەپ، مىڭداپ ايدالىپ كەتەدى. بارىمتا، بارىمتالاۋ تۇلعاسىنىڭ توركىنى - بارىن تالاۋ، مالىن تۇك قالدىرماي تالاپ اكەتۋ، تۇگەسىپ كەتۋ.

بارىمتاعا قارسى ارەكەت - قارىمتا. تالانعان ەل دە ەسەسىن كەتىرىپ، قاراپ قالماعان. قورلانعان نامىسى مەن تالانعان مالىنىڭ قارىمىن قايتاراتىن بولعان. قارىمتا، قارىم قايتارۋ ءسوزىنىڭ توركىنى - قارىم. ال قارىم ءسوزىنىڭ ءتۇپ توركىنى - قايرات، تەگەۋرىن، العىرلىق، ەسەسىن جىبەرمەۋ، ەسەسىن قايتارۋ. قارىمدى جىگىت، قارىمدى ادام دەۋ ءسوزدىڭ وسى ماعىناسىن مەڭزەيدى. ياعني، قارىمتا قايتارۋ رۋدىڭ نە اۋلەتتىڭ ءالسىز ەمەستىگىن، نامىسى بار ەر- ازاماتتاردىڭ بار ەكەنىن كورسەتۋ ءۇشىن جاسالادى.

سارىمتا دەگەن - جەكە ادامنىڭ ازداپ، سىرعىتا الاتىن ۇرلىعى. بەرتىن كەلە، الەۋمەتتىك قارىم- قاتىناستىڭ وزگەرۋىنە، ەل باسقارۋدا مەملەكەتتىك ءتارتىپتىڭ ورنىعا باستاۋىنا بايلانىستى بارىمتا شەكتەلگەن.

Massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات