باس مەملەكەتتىك سانيتار دارىگەرى قاشىقتان جۇمىس ىستەۋگە كەڭەس بەردى

نۇر-سۇلتان. قازاقپارات – ق ر باس مەملەكەتتىك سانيتار دارىگەرى ايجان ەسماعامبەتوۆا قاشىقتان جۇمىس ىستەۋگە كەڭەس بەردى، دەپ حابارلايدى قازاقپارات ءتىلشىسى.

«ءبىز مۇمكىندىگىنشە جۇمىسشىلاردى قىزمەتتىڭ قاشىقتاعى فورماتىنا جىبەرۋگە كەڭەس بەرۋدەمىز. تاجىريبە كورسەتىپ وتىرعانداي، وسى تارتىپتە جۇمىس ىستەۋگە بولادى، ياعني ودان جۇمىس پروتسەسى زارداپ شەكپەيدى»، - دەدى ا. ەسماعامبەتوۆا ونلاين باسپا ءسوز ءماسليحاتىندا.

ونىڭ سوزىنە قاراعاندا، قارىم-قاتىناس از بولسا، سايكەسىنشە، ىندەت جۇقتىرۋ قاۋپى تومەندەيدى.

«30-مامىردا ءتيىستى قاۋلىنى قابىلدادىم، وعان وزگەرىستەر ەنگىزىلدى. بىرىنشىدەن، كارانتيندىك شەكتەۋدى تەك جۇمىسىن قايتا باستاعان نىساندارعا عانا جەڭىلدەتىپ وتىرعان جوقپىز، سونىمەن بىرگە ناۋقاستارمەن بايلانىستا بولعان ادامدارعا دا جەڭىلدىكتەر ەسكەرىلگەن. ناۋقاسپەن جاقىن بايلانىستا بولعان ادامداردىڭ تەستى الىنادى. ەگەر ناتيجەسى تەرىس بولسا، بۇرىنعىداي ولار بۇرىنعىداي 14 كۇنگە ەمەس، 7 كۇنگە ۇيدە وقشاۋلانادى. سودان كەيىن قايتا تەست الىنادى، سونداي-اق تەستتىڭ ناتيجەسى تەرىس بولسا، ولار كارانتيننەن بوساتىلادى»، - دەدى باس مەملەكەتتىك سانيتار دارىگەر.