16:57, 02 - ماۋسىم 2020 | GMT +6
قازاقستاندا كوروناۆيرۋس جۇقتىرعان بۇقارالىق اقپارات قۇرالدارىنىڭ جەتى وكىلى تىركەلدى
نۇر-سۇلتان. قازاقپارات - قازاقستاندا كوروناۆيرۋس جۇقتىرعان بۇقارالىق اقپارات قۇرالدارىنىڭ جەتى وكىلى تىركەلدى.
بۇل تۋرالى ق ر باس مەملەكەتتىك سانيتار دارىگەرى ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.
الەۋمەتتىك جەلىدەگى ونلاين باسپا ءسوز ءماسليحاتىندا ەلىمىز بويىنشا كوروناۆيرۋس جۇقتىرعان بۇقارالىق اقپارات قۇرالدارى وكىلدەرى تۋرالى سۇراق قويىلدى.
«رەسپۋبليكا بويىنشا بۇقارالىق اقپارات قۇرالدارىنىڭ 7 وكىلى ينفەكسياعا شالدىقتى. ونىڭ ۇشەۋى ەمدەلىپ، اۋرۋحانادان شىقتى. ال قالعان تورتەۋى ەم-دوم قابىلداپ جاتىر»، - ايجان ەسماعامبەتوۆا.
وسى ورايدا ول اتالعان جەتى ادامدا كوروناۆيرۋس جەڭىل دارەجەدە بولعانىن ناقتىلادى.