تاعى ءبىر قازاقستاندىق بىلعارى قولعاپ شەبەرى كاسىپقوي بوكسقا اۋىستى
ەندى 19 جاستاعى بوكسشى قازاقستان اتىنان شارشى الاڭعا شىعاتىن بولادى، دەپ حابارلايدى قازاقپارات ءتىلشىسى.
ۆەدومستۆونىڭ مالىمەتىنشە، بوكسشى كاسىبي رينگتە ونەر كورسەتۋ ءۇشىن MTK Global پروۋموۋتەرلىك كومپانياسىمەن كەلىسىمشارتقا تۇرعان.
«قۇرمەتتى دوستار، كاسىبي بوكسقا اۋىسقانىما قولداۋ بىلدىرگەندەرىڭىز ءۇشىن شىنايى العىسىمدى بىلدىرەمىن. مەن دۇنيەجۇزىندەگى كوشباسشى م ت ك GLOBAL مەنەدجەرلىك كومپانياسىمەن كەلىسىمشارتقا تۇردىم. ەنىد قازاقستاندىقتاردى كاسىبي بوكستاعى جەڭىستەرىممەن قۋانتۋعا تىرىسامىن»، - دەپ جازادى بوكسشى Instagram پاراقشاسىندا.
ايتا كەتەيىك، تالعات شايكەن 2019 -جىلى قازاقستان حالقىنىڭ سپارتاكياداسى شەڭبەرىندە ەرەسەكتەر اراسىنداعى وتكەن رەسپۋبليكالىق بىرىنشىلىكتە قارسىلاستارىن ايقىن باسىمدىقپەن تىزە بۇكتىرگەن بولاتىن. ول اۋەسقويلار اراسىندا نوكاۋت شەبەرى اتاندى. قارسىلاستارىن شاراشى الاڭدا تالاي مارتە سۇلاتىپ سالدى. MTK GLOBAL KAZAKHSTAN مەنەدجەرلىك كومپانياسىنىڭ باسشىسى اسقار سالىقبايەۆ باسىلىمداردىڭ بىرىندە جاسالعان كەلىسىمشارت ۇزاق جىلدارعا ارنالعان.