+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

بالقاش پەن الاكولگە اپاراتىن جولداردىڭ ساپاسى قانداي

2 ماۋسىم 14:30
:ءبولىسۋ
بالقاش پەن الاكولگە اپاراتىن جولداردىڭ ساپاسى قانداي

نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قازاقستاننىڭ تۋريستىك ورىندارىنا اپاراتىن جولداردىڭ ساپاسى جونىندەگى سۇراققا جاۋاپ بەردى، دەپ حابارلايدى قازاقپارات ءتىلشىسى.

«بيىل 4 مىڭ شاقىرىم رەسپۋبليكالىق جول سالىنىپ، جوندەۋدەن وتەدى دەپ جوسپارلانعان. ناقتى بالقاش پەن الاكولگە توقتالساق، بيىل 2 مىڭ 600 شاقىرىم جول بويىنشا قوزعالىستى اشامىز. ونىڭ ىشىندە، قاراعاندى- بالقاش- قاپشاعاي جانە تالدىقورعان- ءۇشارال- وسكەمەن باعىتتارى بار. بۇل باعىتتاردا كۇشەيتىلگەن جۇمىس ءجۇرىپ جاتىر. بىردەن، جول بولىكتەرىن اتار بولسام، ۇزىندىعى 700 شاقىرىم بولاتىن تالدىقورعان- ءۇشارال جولى بار. ءۇشارالدان دوستىققا دەيىنگى 60 شاقىرىمعا اسفالت توسەۋ جۇمىستارى باستالىپ كەتتى. قالباتاۋ جاقتان دا جول بولىگىن جوندەۋدى اياقتادىق»، - دەدى ول ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە.

قاراعاندى تراسساسى بويىنشا مينيستر قاراعاندى- بالقاش جولىنىڭ بيىل اشىلاتىنىن حابارلادى.

«ارينە، ونىڭ كەيبىر بولىكتەرى تەحنيكالىق سەبەپتەرمەن كەشىگۋى مۇمكىن. دەگەنمەن، قاراعاندى- بالقاش- قاپشاعاي جولىنىڭ نەگىزگى بولىگىن جىل سوڭىنا دەيىن قولدانىسقا بەرەمىز. كەلەسى جىلى سۇيىكتى كۋرورتتىق ورىندارىمىزعا تاماشا جول ۇستىمەن جەتەمىز دەپ ويلايمىن»، - دەدى مينيستر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات