+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

نيۋ- يوركتە كومەندانتتىق ساعات ەنگىزىلدى

2 ماۋسىم 13:50
:ءبولىسۋ
نيۋ- يوركتە كومەندانتتىق ساعات ەنگىزىلدى

نۇر- سۇلتان. قازاقپارات – ا ق ش- تىڭ نيۋ- يورك قالاسىندا كومەندانتتىق ساعات ەنگىزىلدى، دەپ حابارلايدى «حابار 24».

بۇعان ايماقتاعى جاپپاي ەرەۋىل مەن تارتىپسىزدىكتەر سەبەپ بولدى. افروامەريكالىق دجوردج فلويدتىڭ ولىمىنە قاتىستى حالىقتىڭ نارازىلىعى بىرنەشە كۇننەن بەرى تىيىلماي تۇر. ۇكىمەت وڭىردە تارتىپسىزدىكتىڭ الدىن الۋ ءۇشىن پوليتسيا وكىلدەرىنىڭ سانىن ەكى ەسەگە ارتتىرماق. سونىمەن قاتار قوسىمشا كۇش مانحەتتەن مەن برۋكلينگە دە جونەلتىلەتىن بولادى.

بيلل دە بلازيو، نيۋ- يورك ق. مەرى:

- وتكەن تۇندە مانحەتتەننىڭ كەيبىر اۋداندارىندا توناۋ فاكتىلەرى تىركەلدى. ادەتتە بۇل وڭىردە قىلمىس وقيعالارى تىركەلمەيتىن. نيۋ- يورك قالاسىندا دا ساۋدا ورىندارىن توناۋعا جول بەرىلمەيدى. بۇل ارەكەتكە بارعانداردى اياماي قاتاڭ جازالايتىن بولامىز. ەل پرەزيدەنتى دونالد ترامپ تارتىپسىزدىكتى تىيۋ ماقساتىندا نيۋ- يورك قالاسىنا اسكەر جىبەردى.

اق ءۇي باسشىسى «قوعامنىڭ تىنىشتىعى ءۇشىن اسكەري جانە ازاماتتىق رەسۋرستاردىڭ بارلىعى قولدانىلادى» دەپ شتات گۋبەرناتورلارىنا جاعدايدى باقىلاۋدا ۇستاۋ ءۇشىن ۇلتتىق ۇلان ساربازدارىن تارتۋدى ۇسىندى. «احۋال تۇراقتالماسا، ەرەۋىلدەرگە قارۋلى كۇشتى جۇمىلدىرامىز»، دەپ سەس كورسەتىپ وتىر.

دونالد ترامپ، ا ق ش پرەزيدەنتى:

- امەريكالىقتار دجوردج فلويدتىڭ ولىمىنە نارازى. مەنىڭ اكىمشىلىگىم بۇل وقيعاعا قاتىستى ادىلدىكتى ورناتادى. الايدا، بەيبىت تۇردە باستالعان شەرۋدىڭ بۇلاي ۋشىعۋىنا جول بەرىلمەيدى. تارتىپسىزدىكتەردەن بەيبىت حالىق زارداپ شەگىپ وتىر. مەن ەل پرەزيدەنتى رەتىندە قاراپايىم تۇرعىنداردىڭ قاۋىپسىزدىگى ءۇشىن قولدان كەلگەننىڭ ءبارىن جاسايمىن. بۇگىن مەن ءار شتات گۋبەرناتورىنا ۇلتتىق ۇلان ساربازدارىن دا كوشەگە تارتۋعا كەڭەس بەرەمىن. ەگەر سوزىمە قۇلاق اسپاي، حالىقتىڭ ومىرىنە قاۋىپ توندىرسەڭدەر، ا ق ش- تىڭ قارۋلى كۇشتەرىن جۇمىلدىرىپ ءوزىم- اق ماسەلەنى شەشىپ بەرەمىن.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات