+7 (701) 759 90 19
22 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اۋە كومپانيالارى بيلەت قۇنىن ايىپپۇلسىز، تولىق قايتارۋعا مىندەتتى - بەيبىت اتامقۇلوۆ

2 ماۋسىم 14:52
:ءبولىسۋ
اۋە كومپانيالارى بيلەت قۇنىن ايىپپۇلسىز، تولىق قايتارۋعا مىندەتتى - بەيبىت اتامقۇلوۆ

نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ اۋە بيلەتىنىڭ قۇنىن قايتارا الماي جۇرگەن تۇرعىنداردىڭ سۇراعىنا جاۋاپ بەردى، دەپ حابارلايدى قازاقپارات ءتىلشىسى.

«اۋە كومپانيالارىنا ت ج كەزىندە توقتاتىلعان رەيستەردىڭ بيلەت قۇنىن ايىپپۇلسىز، تولىق كولەمدە قايتارۋ تۋرالى تاپسىرما بەرىلدى، مىندەتتەلدى. ءبىر ايتا كەتەرلىگى، بىزدە اگرەگاتور كومپانيالار (Aviata, tickets.kz) ارقىلى دا كوپ بيلەت ساتىلعان. ولار دەربەس جۇمىس ىستەيدى جانە اگرەگاتورلاردىڭ ءبىر بولىگى وزگە مەملەكەتتەر اۋماعىندا ورنالاسقان. بۇل دا بىزگە قيىندىق تۋدىرىپ جاتىر. كەي تۋريستىك اگەنتتىكتەر شەتەلدەگى كەڭسەلەرىن ساتىپ جاتىر. مۇندا ارينە، قايتارۋ ماسەلەلەرىن ازاماتتىق- قۇقىقتىق الاڭدا سوت ورگاندارى ارقىلى شەشۋ قاجەت»، - دەدى سپيكەر ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە.

سونىمەن بىرگە، مينيستر ك ۆ ي پاندەمياسىندا اۋە كومپانيالارىنىڭ دا شارۋاسى قيىنداعانىن ايتتى.

«ولار بيلەت قۇنىن تولىق كولەمدە، ايىپپۇلسىز قايتارۋى كەرەك نەمەسە بيلەتتى الدا ۇشاتىن رەيستەرگە اۋىستىرۋى ءتيىس. ءبىزدىڭ ازاماتتار دا اۆياتسيا سالاسىنىڭ ۇلكەن سوققى العانىن ءتۇسىنۋى كەرەك. ءبىز 99 باعىت بويىنشا 450 رەيستى توقتاتتىق. اۋە كومپانيالارىنىڭ ءوز قىزمەتكەرلەرى بار، ەڭبەكاقى تولەۋ، ۇشاق تۇراعىن تولەۋمەن قاتار اۋقىمدى قارجىلىق شىعىنعا ۇشىرادى. بۇل - تەك قازاقستاندا ەمەس، كوپتەگەن ەلدەردە بولىپ جاتقان ءۇردىس. مۇنى دا ءتۇسىنۋ كەرەك. وسى ارالىققا ساتىلعان بيلەتتەر بويىنشا كۇن سايىن قايتارۋ تۋرالى مىڭداعان وتىنىشتەر كەلىپ تۇسەدى. بۇل جۇمىستار جالعاسۋدا»، - دەدى ب. اتامقۇلوۆ.

بۇعان دەيىن مينيستر قازاقستاندا حالىقارالىق رەيستەردىڭ كەزەڭ- كەزەڭىمەن اشىلاتىنىن ايتىپ، رۇقسات بەرىلگەن العاشقى مەملەكەتتەر ءتىزىمىن جاريالادى.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات