+7 (701) 759 90 19
19 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا حالىقارالىق رەيستەر كەزەڭ- كەزەڭىمەن اشىلادى: رۇقسات بەرىلگەن مەملەكەتتەر ءتىزىمى

2 ماۋسىم 12:27
:ءبولىسۋ
قازاقستاندا حالىقارالىق رەيستەر كەزەڭ- كەزەڭىمەن اشىلادى: رۇقسات بەرىلگەن مەملەكەتتەر ءتىزىمى

نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ حالىقارالىق اۋە رەيستەرىنىڭ قالاي جانداناتىنىن ءتۇسىندىردى، دەپ حابارلايدى قازاقپارات ءتىلشىسى.

«كوروناۆيرۋس ينفەكسياسىن تاراتپاۋ تۋرالى ۆەدومستۆوارالىق كوميسسيا جاقىندا عانا جينالىس وتكىزىپ، 1 - ماۋسىمنان باستاپ، ءۇش مەملەكەتكە اۋە رەيستەرىن جانداندىرۋ ماسەلەلەرىن قاراستىرۋعا رۇقسات بەردى. ولار - وڭتۇستىك كورەيا، قىتاي جانە ازەربايجان. نەگە بۇل ەلدەر تاڭدالىپ الىندى؟ بىرىنشىدەن، COVID-19 بويىنشا ونداعى احۋالعا باعا بەرىلدى. COVID-19 بويىنشا حالىقارالىق رەيتينگ بار جانە اتالعان ءۇش مەملەكەت بارىنشا قاۋىپسىز ەلدەر قاتارىندا»، - دەپ ءتۇسىندىردى سپيكەر ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە.

ونىڭ ايتۋىنشا، ەكىنشى كەزەڭدە گەرمانيا، ب ا ءا، چەحيا مەن تايلاندقا رەيس جانداندىرۋ قاراستىرىلادى.

«پولشا مەن ماجارستانعا دا رۇقسات الىپ قالۋىمىز مۇمكىن. ويتكەنى، وندا دا قاۋىپسىزدىك دەڭگەيى ايتارلىقتاي جوعارى. ەكىنشى كەزەڭ شامامەن 15 - ماۋسىمنان كەيىن قولعا الىنادى. شەتەلدەگى ارىپتەستەرىممەن ۇنەمى بايلانىستا وتىرامىن. تۇركيانىڭ كولىك مينيسترىمەن سويلەسكەنىمدە، ولاردىڭ انتالياعا رەيس اشۋعا مۇددەلى ەكەنىن، 20 - ماۋسىمدى ارنايى بەلگىلەپ وتىرعاندارىن ايتتى. بۇل جۇمىستاردى ءالى دە پىسىقتايمىز»، - دەدى ب. اتامقۇلوۆ.

اۆتور: ايجان سەرىكجان قىزى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات