+7 (701) 759 90 19
19 °С : نۇر-سۇلتان
19 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

قىتاي تانۋشى- عالىم دۇكەن ءماسىمحان ۇلى شىعىس تانۋ ينستيتۋتىنىڭ ديرەكتورى بولىپ تاعايىندالدى

2 ماۋسىم 11:46
:ءبولىسۋ
قىتاي تانۋشى- عالىم دۇكەن ءماسىمحان ۇلى شىعىس تانۋ ينستيتۋتىنىڭ ديرەكتورى بولىپ تاعايىندالدى

نۇر- سۇلتان. قازاقپارات - بەلگىلى قىتايتانۋشى- عالىم، فيلولوگيا عىلىمدارىنىڭ دوكتورى دۇكەن ءماسىمحان ۇلى ر. ب. سۇلەيمەنوۆ اتىنداعى شىعىس تانۋ ينستيتۋتىنا ديرەكتور بولىپ تاعايىندالدى.

ينستيتۋتتىڭ بۇرىنعى ديرەكتورى ءابساتتار دەربىسالى ديرەكتوردىڭ كەڭەسشىلىگىنە اۋىستى.

دۇكەن ءماسىمحان ۇلى - 1963 -جىلى قىتاي حالىق رەسپۋبليكاسىنىڭ شىڭجاڭ ولكەسىنە قاراستى تەكەس اۋدانىنىڭ شيلوزەك اۋلىندا تۋعان. 1987 -جىلى بەيجىڭدەگى ورتالىق ۇلتتار ۋنيۆەرسيتەتىن اۋدارماشى- فيلولوگ ماماندىعى بويىنشا ءتامامداعان. 1987-1993 -جىلدارى ءۇرىمجى قالاسىنداعى س ۋ ا ر گۋمانيتارلىق عىلىمدار اكادەمياسىنىڭ ادەبيەت ينستيتۋتىندا عىلىمي قىزمەتكەر بولىپ ىستەدى.

1993 - جىلى ءال- فارابي اتىنداعى قازاق ۇلتتىق ۋنيۆەرسيتەتىنىڭ ارنايى شاقىرۋىمەن اتامەكەنگە كەلگەن. قىتاي تانۋشى عالىم ءال- فارابي اتىنداعى قازۇۋ- دىڭ شىعىس تانۋ فاكۋلتەتىندە قيىر شىعىس ەلدەرى كافەدراسىنىڭ مەڭگەرۋشىسى بولىپ قىزمەت اتقارعان. 2002-2009 -جىلدارى ەلورداداعى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى شىعىس تانۋ كافەدراسىنىڭ مەڭگەرۋشىسى، 2010 -جىلدان اتالعان وقۋ ورنىنداعى قىتاي ءتىلى كافەدراسىنىڭ مەڭگەرۋشىسى بولعان. فيلولوگيا عىلىمدارىنىڭ دوكتورى، پروفەسسور. قازاقستاننىڭ ەڭبەك سىڭىرگەن قايراتكەرى (2013 ج.).

https://qamshy.kz

**

سۇلەيمەنوۆ اتىنداعى شىعىستانۋ ينسيتۋتى - قازاقستاننىڭ شىعىستانۋ سالاسىنداعى جەتەكشى عىلىمي - زەرتتەۋ ورتالىعى. بۇرىنعى ۇلتتىق عىلىم اكادەمياسىنىڭ شىعىس تانۋ سەكتورى جانە ۇيعىر تانۋ ينستيتۋتى نەگىزىندە 1996 -جىلى 11 - قاراشادا قۇرىلعان. شىعىس تانۋ ينستيتۋتى كورنەكتى عالىم- تاريحشى رامازان بيماش ۇلى سۇلەيمەنوۆتىڭ ەسىمىمەن اتالادى. ينستيتۋتتىڭ نەگىزگى قىزمەتىنىڭ باعىتى - قازاقستاننىڭ شىعىس ەلدەرىمەن تاريحي، مادەني، الەۋمەتتىك- ەكونوميكالىق جانە ساياسي قارىم- قاتىناسى بويىنشا ىرگەلى جانە قولدانبالى زەرتتەۋلەر جۇرگىزۋ. ينستيتۋت عىلىمي- تالداۋ باياندامالارىن، نۇسقاۋلار، مەملەكەتتى مەكەمەلەر ءۇشىن بايانداما- حاتتار دايىندايدى. ۇكىمەت مەكەمەلەرى مەن حالىقارالىق ۇيىمدارعا كونسالتينگتىك قىزمەت كورسەتەدى. ول تۇركيا، ا ق ش، ۇلى بريتانيا، قىتاي، رەسەي، فرانسيا، جاپونيا، ەگيپەت، يران، موڭعوليا، گوللانديا، ءۇندىستان، كورەيا، يتاليا، گەرمانيا جانە ت. ب. ەلدەردىڭ 30-دان استام عىلىمي ورتالىقتارىمەن شىعارمالارىنا بايلانىس جاسايدى.

ينستيتۋتتا ارابتانۋ، يرانتانۋ، تۇركىتانۋ سەكتورلارىنان تۇراتىن ورتا جانە تاياۋ شىعىس ەلدەرى؛ ورتالىق ازيا، ءۇندى تانۋ، موڭعولتانۋ سەكتورلارىنان تۇراتىن ورتالىق جانە وڭتۇستىك ازيا؛ قىتايتانۋ، جاپونتانۋ، كورەيتانۋ سەكتورلارىنان تۇراتىن ازيا- تىنىق مۇحيت ايماقتارى؛ حالىقارالىق قاتىناستاردى كەشەندى زەرتتەۋ، ت. ب. بولىمدەر مەن قىتايتانۋ، ۇيعىرتانۋ ورتالىقتارى بار.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات