اسقار مامين ۇ ب ت وتكىزۋ جايىندا: ەڭ باستى مىندەت - بالالاردىڭ قاۋىپسىزدىگى

None
None
نۇر- سۇلتان. قازاقپارات - ۇلتتىق ءبىرىڭعاي تەست وتكىزۋ بارىسىندا بالالاردىڭ قاۋىپسىزدىگىن بارىنشا قامتاماسىز ەتۋ قاجەت. بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«بۇل ماسەلە وتە ماڭىزدى. 20 - ماۋسىمنان باستاپ تۇلەكتەر ۇ ب ت تاپسىرا باستايدى. وعان 131 مىڭنان استام وقۋشى نەمەسە وتكەن جىلمەن سالىستىرعاندا 12 پايىزعا ارتىق تۇلەك قاتىسادى. قالىپتاسىپ وتىرعان جاعدايدى ەسكەرسەك، ۇ ب ت ءداستۇرلى رەجيمدە، ءبىراق سانيتارلىق- ەپيدەميولوگيالىق تالاپتاردى قاتاڭ ساقتاي وتىرىپ وتكىزىلەدى. سوندىقتان ەڭ باستى مىندەت بالالاردىڭ قاۋىپسىزدىگىن قامتاماسىز ەتۋ بولىپ سانالادى. بۇگىنگى كۇنگە تەستىلەۋگە دايىندىق پەن ونى وتكىزۋ بويىنشا مىندەتتەر ناقتى ايقىندالعان. ۇ ب ت وتكىزىلەتىن 161 پۋنكت، 1200-دەن استام اۋديتوريا دايىندالدى» ، - دەپ اتاپ ءوتتى ۇكىمەت باسشىسى.

وسى ورايدا پرەمەر- مينيستر ءبىلىم جانە عىلىم مينيسترلىگىنە دەنساۋلىق ساقتاۋ، ىشكى ىستەر مينيسترلىكتەرىمەن جانە وڭىرلىكتەردىڭ اكىمدىكتەرىمەن بىرلەسىپ، تەستىلەۋ وتكىزۋدىڭ قاۋىپسىزدىگىن، تۇلەكتەردى تاسىمالداۋ نورمالارىن ساقتاي وتىرىپ، جەتكىزۋدى قامتاماسىز ەتۋدى تاپسىردى.

«ۇ ب ت وتكىزىلەتىن پۋنكتتەردىڭ الدىنا ادامداردىڭ كوپ جينالۋىنا جول بەرىلمەسىن. اقپارات جانە قوعامدىق دامۋ مينيسترلىگى قازىرگى جاعايدا ۇ ب ت وتكىزۋ جونىندەگى كەڭ اۋقىمدى اقپاراتتىق ءتۇسىندىرۋ جۇمىستارىن جۇرگىزۋى قاجەت. ەرالى لۇقپان ۇلى، ماسەلەنى باقىلاۋدا ۇستاڭىز»، - دەدى اسقار مامين ورىنباسارى ەرالى توعجانوۆقا قاراتا.

اۆتور: مارلان جيەمباي


سوڭعى جاڭالىقتار