+7 (701) 759 90 19
26 °С : نۇر-سۇلتان
27 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

اسحات ايماعامبەتوۆ بيىل قانشا ادام ۇ ب ت تاپسىراتىنىن ايتتى

2 ماۋسىم 10:32
:ءبولىسۋ
اسحات ايماعامبەتوۆ بيىل قانشا ادام ۇ ب ت تاپسىراتىنىن ايتتى

نۇر- سۇلتان. قازاقپارات - بيىل ەلىمىزدە 132 مىڭعا جۋىق ادام ۇلتتىق ءبىرىڭعاي تەستىن تاپسىرادى. بۇل تۋرالى ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«ۇ ب ت بيىل 17-رەت وتكىزىلەتىن بولادى. وسى كەزەڭ ارالىعىندا تەستىلەۋگە 2 ميلليونعا جۋىق ادام قاتىسىپ شىقتى. 2019 -جىلدان باستاپ ۇ ب ت جىلىنا 4 رەت: قاڭتار، ناۋرىز، تامىز ايلارىندا وتكىزىلۋدە. بيىل ۇ ب ت فورماتى وزگەرگەن جوق. بارلىعى 5 ءپان، 3 مىندەتتى جانە 2 بەيىندى ءپان بويىنشا تەستىلەۋ قاعاز جۇزىندە وتكىزىلەدى. بارلىق تەست تاپسىرمالارىنىڭ سانى - 120, ماكسيمالدى بالل - 140. ۇبت- عا قاتىسۋ ءۇشىن وتىنىشتەردى قابىلداۋ 15 -ساۋىردەن 10 -مامىرعا دەيىن جۇرگىزىلدى»، - دەدى مينيستر.

ونىڭ اتاپ وتۋىنشە، وسى جىلى وتىنىشتەردى قابىلداۋ العاش رەت ونلاين فورماتتى ءوتتى. تەك عانا ينتەرنەت جوق وڭىرلەردىڭ تۇلەكتەرى ءۇشىن ءداستۇرلى فورماتتا قۇجاتتار تاپسىرۋ مۇمكىندىگى بەرىلدى.

«جالپى بيىل مەكتەپ تۇلەكتەرىنەن تەستىلەۋگە قاتىسۋ ءۇشىن 111109 نەمەسە 82 پايىز ءوتىنىش تاپسىرىلدى. بۇل وتكەن جىلمەن سالىستىرعاندا 11 پايىزعا نەمەسە 15 مىڭعا جۋىق ادامعا كوپ. سونداي- اق، الدىڭعى جىلداردا مەكتەپ بىتىرگەن تۇلەكتەردى قوسقاندا بارلىعى بيىل 131755 ادام تەست تاپسىراتىن بولادى»، - دەدى اسحات ايماعامبەتوۆ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات