+7 (701) 759 90 19
28 °С : نۇر-سۇلتان
32 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

ءبىر كولىك، ەكى قوجايىن. ەلوردا تۇرعىندارى الاياقتاردىڭ تۇزاعىنا ءتۇسىپ جاتىر

2 ماۋسىم 09:23
:ءبولىسۋ
ءبىر كولىك، ەكى قوجايىن. ەلوردا تۇرعىندارى الاياقتاردىڭ تۇزاعىنا ءتۇسىپ جاتىر

نۇر-سۇلتان. قازاقپارات - ءبىر كولىك، ەكى قوجايىن. الاياقتاردىڭ ارباۋىنا تۇسكەن تۇرعىندار زاڭدى مەنشىگىن بولىسە الماي جاتىر، دەپ حابارلايدى «حابار 24».

ەلوردانىڭ وزىندە وسىنداي داۋ تۋدىرعان 300 دەن استام كولىك انىقتالعان. بۇعان اتىشۋلى «گارانت» ، «ۆىگودنىي زايم» ، «estate « لومباردتارى ارقىلى قاقپان قۇرعان قىلمىستىق توپ كىنالى بولىپ شىقتى. ەندى كولىككە قاتىستى كەلەڭسىزدىك كىمنىڭ مۇددەسىنە شەشىلمەك؟

باقىت توپتايەۆا، ءتىلشى:

- اقجىبەك كولىگىنەن ايىرىلىپ، سان سوعىپ قالعانداردىڭ ءبىرى. ءتورت بالاسى بار مەدبيكە تىرنەكتەپ جيعانىن العاشقى جارنا رەتىندە جاراتىپ، جەتپەگەن سوماعا نەسيە راسىمدەگەن ەدى. وسىلايشا، اقپان ايىندا كوپتەن ارمان بولعان تەمىر تۇلپارعا قول جەتكىزدى. الايدا، كوپ بالالى انانىڭ قۋانىشى ۇزاققا سوزىلمادى.

اقجىبەك تىلەۋباي قىزى، زارداپ شەگۋشى:

- كۇندەردىڭ ءبىر كۇنى، ياعني 26 -ناۋرىز كۇنى كولىكتىڭ سيگناليزاتسياسى وينايدى. دالاعا شىقساق، دالادا ءبىزدىڭ ءبىلۋىمىز بويىنشا، كولىكتىڭ ءبىرىنشى قوجايىنى كەلىپ، ماشينانى تاۋىپ، سول جەردە 102 شاقىرعان. 102 كەلىپ، ول كولىكتىڭ سول جەردە بىزگە نە جاعدايدا، قالاي ساتىلعانىن سۇرايدى. ياعني، كولىكتى سول ءبىرىنشى قوجايىنى «ۆىگودنىي زايم» دەگەن لومباردقا تاپسىرعان ەكەن. ونى ءبىز سول جەردە انىقتادىق. اقجىبەك كولىگىن مەنشىكتەي الا ما، جوق پا بەيماعلۇم. بەلگىلىسى - كولىككە دەپ العان نەسيەسىن ۋاقىتىلى تولەۋى ءتيىس. مۇنداي كەلەڭسىزدىككە تاپ بولعان جالعىز ول ەمەس. كولىك الىپ، ونى زاڭدى تۇردە مەنشىكتەي الماي جۇرگەن تاعى بىرنەشە ادام مۇڭىن شاقتى. ءبارى الاياقتاردىڭ تۇزاعىنا تۇسكەن.

ەرلان قۋاتايەۆ، زاڭگەر:

- «گارانت 24» ، «ۆىگودنىي زايم» لومبارد قىزمەتكەرلەرى ارنايى call-سەنتر قۇرىپ، ادامدارعا قوڭىراۋ شالعان. ءسويتىپ، ماسەلەن 4 ميلليون تۇراتىن كولىكتى 6 ميلليونعا ساتىپ الامىز، تەك اقىسىن ءبولىپ بەرەمىز دەپ ۋادە بەرگەن. ەكى ايدا ەكى ميلليون تابىس تابۋدى ويلاعان تۇرعىندار، كولىكتەرىن سەنىمحاتپەن بىرگە لومباردقا وتكىزەدى. سول ارادا، قولىندا سەنىمحاتى بار لومبارد قىزمەتكەرلەرى كولىكتى «كولەسا» سايتىندا ارزانىراق باعامەن ساتقان. ال، ساتىپ الۋشىلاردىڭ ويىندا ەشنارسە جوق، ءتيىستى تەكسەرىستەن وتكىزگەن سوڭ اقشاسىن بەرىپ، كولىكتى الادى.

اتىشۋلى لومباردتاردىڭ قىلمىستىق جوسپارى ناۋرىزدا اشكەرە بولعانى بارشاعا ءمالىم. ءبىراق وعان دەيىن قانشا ادام الاياقتاردىڭ ارباۋىنا تۇسكەنى ءالى انىقتالىپ جاتىر. قازىر وسى تەكتەس ءىستىڭ بارلىعى جيناقتالىپ، قارالۋدا.

رۋستام شاريبايەۆ، قالالىق پوليتسيا دەپارامەنتى باستىعىنىڭ ورىنباسارى:

- بۇل ساناتتاعى كولىكتەر تەرگەۋ سوتىنىڭ قاۋلىسىمەن ايعاق زات رەتىندە تانىلىپ، سايكەسىنشە ونى قولدانۋعا تىيىم سالىنعان. كولىكتى سوڭعى ساتىپ الۋشىلار ءوتىنىش جازعاننان كەيىن ولاردان مۇلىكتى ساقتاۋ جونىندە قولحات الىندى. وسىلايشا، كولىكتى ۋاقىتشا پايدالانۋعا رۇقسات ەتىلگەن. ءبىراق كولىكتى ساتۋعا، نە كەپىلگە قويۋعا بولمايدى. ءبىراق كولىكتىڭ كىمنىڭ مەنشىگىنە وتەتىنىن سوت شەشەدى.

ەرلان قۋاتايەۆ، زاڭگەر:

- ازاماتتىق كودەكستىڭ 157-بابى بار. سوعان سايكەس، ەگەر باستاپقى مامىلەنىڭ زاڭدىق كۇشى جويىلسا، ودان كەيىن جاسالعان مامىلە دە زاڭسىز دەپ تانىلادى. مۇندايدا كولىك ءبىرىنشى بولىپ زارداپ شەككەنگە، ياعني، باستاپقى يەسىنە قايتارىلادى. سونداي- اق سول كودەكستىڭ 261-بابىنا سايكەس، مۇلىكتى ادال جولمەن ساتىپ العانداردىڭ مۇددەسى قورعالۋى ءتيىس. كەرەعار ىستە كىمنىڭ ۇتاتىنى، كىمنىڭ ۇتىلاتىنىن سوت شەشەدى. قالاي بولعاندا دا وپىق جەپ قالعان جۇرت از بولمايىن دەپ تۇر.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات