+7 (701) 759 90 19
17 °С : نۇر-سۇلتان
20 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

بالا تاربيەلەمەس بۇرىن الدىمەن ءوزىمىزدى تاربيەلەگەنىمىز ءجون - اينۇر ءىلياسوۆا

2 ماۋسىم 08:41
:ءبولىسۋ
بالا تاربيەلەمەس بۇرىن الدىمەن ءوزىمىزدى تاربيەلەگەنىمىز ءجون - اينۇر ءىلياسوۆا

الماتى. قازاقپارات - اكتريسا، تەلەجۇرگىزۋشى، قوعام قايراتكەرى اينۇر ءىلياسوۆا 1 - ماۋسىم - حالىقارالىق بالالاردى قورعاۋ كۇنىنە وراي بالا تاربيەسىنە قاتىستى ويىن ءبولىستى، دەپ حابارلايدى قازاقپارات ءتىلشىسى.

قازىر تەلەجۇرگىزۋشى دەكرەتتىك دەمالىستا. ول 3,5 جانە 1,2 جاسار ەكى قىزدى تاربيەلەپ وتىر.

«وتباسى ينستيتۋتىن نىعايتۋعا باعىتتالعان قوعامدىق قور اشقان بولاتىنبىز. سول قوردىڭ ارقاسىندا ءتۇرلى فورۋمدار، فەستيۆالدەر ۇيىمداستىردىق. مۇنىڭ بارلىعىن ءوزىمنىڭ اتا- انالىق دەڭگەيىمدى كوتەرۋ ءۇشىن جاسادىم. ءبىز اتا- انا بولۋ ءۇشىن دە كوپ وقۋىمىز كەرەك. زامان وزگەردى، ۋاقىت ءوتىپ جاتىر. ءبىزدىڭ بۇرىنعى تاربيەمىز وزەكتى ەمەس. ەندى اتا- انالار بالانى ەمەس، ءوزىن تاربيەلەۋى ءتيىس. قازىر ءبىز ءوز بالالارىمىزعا مودەل بولۋىمىز كەرەك. قازىر ءبىز ولارعا «اۆتوريتەت» ەمەسپىز. بۇرىن ءبىز «ۇشاق قالاي ۇشادى، قاعاز قالاي جاسالادى؟» دەپ ءبارىن سۇرايتىنبىز. قازىر بالالار ونىڭ ءبارىن يۋتۋبتى اشىپ، ءوزى ءبىلىپ الادى»، - دەيدى اينۇر ءىلياسوۆا.

ونىڭ ويىنشا، اتا- انا ەڭ الدىمەن بالاعا سەرىك بولۋى كەرەك.

«بالاعا ۇرىسپاي تۇسىندىرۋگە تىرىسامىن. ءبىراق، ەشقاشان قول كوتەرمەدىم دەمەيمىن. ۇرىسپاي بالا تاربيەلەۋگە كەلە جاتىرمىن. ءار ۋاقىتتا بالامەن سويلەسكەندە «بولمايدى» دەپ قانا قويماي، نەگە بولمايتىنىن تۇسىندىرۋگە تىرىسامىن. سەبەبىن ۇعىندىرام. بالانى ءار ۋاقىتتا قۇشاقتاپ ءسۇيۋ، جاقسى كورەتىنىڭدى ايتۋ كەرەك. وتباسىندا ءبارى دۇرىس بولماسا، باسقا جەردەن باقىت ىزدەپ كەرەك ەمەس» ، - دەيدى اينۇر.

تەلەجۇرگىزۋشى بالالاردى قازىرگى اقپارات اعىنىنىڭ قاجەتسىز بولىگىنەن، ادىلەتسىزدىكتەن، تىم ەركەلەتۋدەن، قوعامنىڭ اگرەسسيۆتى شابۋىلدارىنان قورعاۋ كەرەكتىگىن ەسكە سالدى.

ول بۇگىنگى بالالار مەيرامىن وتباسىنىڭ ورتاسىندا اتاپ وتپەك.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات