+7 (701) 759 90 19
19 °С : نۇر-سۇلتان
22 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

نۇر- سۇلتاندا الەۋمەتتىك تۇرعىن ۇيلەر سالىنادى

2 ماۋسىم 07:29
:ءبولىسۋ
نۇر- سۇلتاندا الەۋمەتتىك تۇرعىن ۇيلەر سالىنادى

نۇر-سۇلتان. قازاقپارات - «قاراپايىم زاتتار ەكونوميكاسىن» دامىتۋ، ينۆەستورلاردى قولداۋ، ءۇي قۇرىلىسى كومبيناتىنىڭ جۇمىسىن جاڭارتۋ، قۇرىلىس كاسىپورىندارىنىڭ قۋاتىن ارتتىرۋ.

ەلوردا اكىمدىگى اتالعان باعىتتار بويىنشا تۇرعىن ءۇي قۇرىلىسىنىڭ كولەمى مەن ساپاسىن ارتتىرۋعا جاعداي تۋعىزادى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

مىسالى، بەتون جانە سەمەنت ءوندىرۋ زاۋىتى «Center Beton Company» ج ش س شىعارىلاتىن ءونىم قۋاتىن جىلىنا 400 تەكشە مەترگە دەيىن كوبەيتتى، سونداي- اق شىعارىلاتىن ءونىم كولەمىن ەلوردانىڭ باسقا دا كاسىپورىندارى ارتتىردى.

ەلوردا اكىمى التاي كولگىنوۆ مەملەكەت باسشىسىنىڭ تاپسىرماسى بويىنشا، تۇرعىن ءۇي قۇرىلىسىنا ەرەكشە كوڭىل بولىنەتىنىن اتاپ ءوتتى.

«بيىل قولجەتىمدى تۇرعىن ءۇي قۇرىلىسىنىڭ كولەمىن ۇلعايتامىز. «قولجەتىمدى جەردە ورنالاسۋ» قاعيداسى ەسكەرىلەتىن بولادى. تۇرعىن ءۇي عيماراتىنىڭ ءبىرىنشى قاباتتارىندا دۇكەن ەمەس، مەديتسينالىق ورتالىقتار، پوليتسيا پۋنكتتەرى، وڭالتۋ ورتالىقتارى، بالاباقشالار سالىناتىن بولادى. قولجەتىمدى تۇرعىن ءۇي سالۋ ءۇشىن GLB ءۇي قۇرىلىسى كومبيناتى قايتا ىسكە قوسىلدى. كومبيناتتىڭ كاسىپورىن قىزمەتكەرلەرى الدىندا 600 ميلليون تەڭگەدەن استام جانە كرەديتورلارعا قارىزى بولعان. مەملەكەت قولداۋىنىڭ ارقاسىندا بۇل سوما وتەلىپ، ءبىرقاتار كۇردەلى ماسەلە شەشىلدى. بۇل جۇمىستاردىڭ بارلىعى سالىنباي تۇرعان نىسانداردىڭ قۇرىلىسىن اياقتاۋ مەن قولجەتىمدى تۇرعىن ءۇي قۇرىلىسىنىڭ كولەمىن ارتتىرۋ ءۇشىن جۇرگىزىلىپ جاتىر. سونداي- اق، جۇمىس ورىنى ساقتالىپ قالدى.

ءۇي قۇرىلىسى كومبيناتىنىڭ ارتىقشىلىعى - مودۋلدى قۇرىلىس ۇيلەردىڭ ساپاسىنا نۇقسان كەلتىرمەي شارشى مەتردىڭ وزىندىك قۇنىن تومەندەتۋگە جانە عيماراتتاردى تۇرعىزۋ مەرزىمىن قىسقارتۋعا مۇمكىندىك بەرەدى. سونىمەن قاتار، جازدا تاعى ءبىر ءۇي قۇرىلىسى كومبيناتى ىسكە قوسىلادى»، - دەدى قالا اكىمى التاي كولگىنوۆ.

ينۆەستيتسيالىق كەڭەستە قالا اكىمدىگى قۇرىلىس ماتەريالدارىن شىعاراتىن نىساندار مەن زاۋىتتار قۇرىلىسى سەكىلدى جوبالارعا قولداۋ كورسەتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات