+7 (701) 759 90 19
19 °С : نۇر-سۇلتان
22 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

قازاقستاندا تۋريستىك نىساندار جۇمىسىنىڭ الگوريتمى ازىرلەندى

1 ماۋسىم 20:16
:ءبولىسۋ
قازاقستاندا تۋريستىك نىساندار جۇمىسىنىڭ الگوريتمى ازىرلەندى

نۇر- سۇلتان. قازاقپارات – 1- ماۋسىم كۇنى پرەمەر- ءمينيستردىڭ ورىنباسارى ەرالى توعجانوۆتىڭ توراعالىعىمەن وتكەن سەلەكتورلىق وتىرىستا مينيسترلىكتەر، «اتامەكەن» ۇ ك پ جانە وڭىرلەر اكىمدىكتەرىنىڭ باسشىلىعىنىڭ قاتىسۋىمەن قازاقستاندا تۋريزم ماۋسىمىن جانداندىرۋ ماسەلەلەرى قارالدى.

وتىرىستا توتەنشە جاعداي كەزىندە ۇكىمەت تاراپىنان بۇل سالاعا مۇلىك سالىعىنان جانە ەڭبەكاقى تولەۋ قورىنان سالىق تولەۋ مەن باسقا دا تولەمدەردەن بوساتۋ تۇرعىسىنان مەملەكەتتىك قولداۋ كورسەتىلگەنى اتالىپ ءوتتى.

سونىمەن قاتار، زاڭنامالىق دەڭگەيدە تۋريستىك سالاعا قوسىمشا قولداۋ كورسەتۋ شارالارى قارالىپ جاتىر:

تۋريستىك وبەكتىلەردى جاڭادان سالۋ، رەكونسترۋكتسيالاۋ جانە جابدىقتاۋ كەزىندە ينۆەستيتسيا سوماسىنىڭ %10 ىن وتەۋ جانە پرەفەرەنتسيا بەرۋ؛

ءار شەتەلدىك تۋريست ءۇشىن تۋروپەراتوردىڭ شىعىندارىن سۋبسيديالاۋ؛

اۋە كومپانيالارىنا ىشكى اۋە باعىتتارى بويىنشا بالالاردىڭ جول اقىسىن %100 وتەۋ؛

كاسىپكەرلىك سۋبەكتىلەرىنىڭ جول بويىنداعى نىسانداردى سالۋ جانە قىزمەت كورسەتۋ بويىنشا شىعىندارىنىڭ %25 ىن وتەۋ؛

تۋروپەراتورلار مەن تۋراگەنتتىكتەردىڭ تۋريستىك كولىك قۇرالدارىن ساتىپ الۋ شىعىندارىنىڭ %25 ىن وتەۋ.

2019-2025 -جىلدارعا ارنالعان تۋريستىك سالانى دامىتۋ مەملەكەتتىك باعدارلاماسى اياسىندا 44 تۋريستىك جوباعا ينفراقۇرىلىم جۇرگىزۋ ماقساتىنا رەسپۋبليكالىق بيۋدجەتتەن 51,5 ميلليارد تەڭگە قاراجات ءبولىندى. بۇل — اتالعان سالانى قولداۋدىڭ رەكوردتىق كورسەتكىشى دەۋگە بولادى.


كەڭەستە قازاقستاندا تۋريزم ماۋسىمىن باستاۋعا تولىق دايىندىق جاسالعانى حابارلاندى: تۋريستىك نىسانداردىڭ جۇمىس الگوريتمى ازىرلەندى، جولاۋشىلاردى تاسىمالداۋدىڭ اۆيا، تەمىرجول جانە اۆتوبۋس مارشرۋتتارى ىسكە قوسىلعان.

كەڭەس قورىتىندىسى بويىنشا پرەمەر- ءمينيستردىڭ ورىنباسارى ە. توعجانوۆ وڭىرلەردىڭ اكىمدىكتەرىنە تۋريستىك وبەكتىلەردىڭ دايىندىعى تۋرالى اكتىلەردى بەرۋ جۇمىسىن جەدەلدەتۋدى، جاڭا تۋريستىك باعدارلار مەن تولىققاندى اقپاراتتار جيىنتىعىن جاساۋدى، سونداي- اق اتالعان سالاعا ينۆەستيتسيا تارتۋ جۇمىسىن كۇشەيتۋدى تاپسىردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات