كوروناۆيرۋس: شىڭجاڭداعى جاعداي قالاي
«2020 -جىلدىڭ 31 - مامىر 00:00 ۋاقىتىنا سايكەس، شىڭجان- ۇيعىر اۆتونوميالىق ولكەسىندە (شىڭجان وندىرىستىك- قۇرىلىس كورپۋسىن قوسقاندا) جاڭا ىندەت جۇقتىرۋ وقيعاسى انىقتالعان جوق جانە تىركەلمەگەنىنە 104 كۇن بولدى» دەلىنگەن كوميتەت حابارلاماسىندا.
ايتا كەتسەك، شىڭجان- ۇيعىر اۆتونوميالىق ولكەسىندە ەڭ العاش كوروناۆيرۋس جۇقتىرعان ادام 23 -قاڭتاردا تىركەلدى. شىڭجاندا جالپى ينفەكتسيا جۇقتىرعاندار سانى 76 ادامعا جەتىپ، ونىڭ ۇشەۋى قايتىس بولدى.
«وتكەن تاۋلىكتە قۇرلىقتىق قىتايدا كوروناۆيرۋس جۇقتىرۋدىڭ 16 جاڭا فاكتىسى تىركەلدى (بارلىعى سىرتتان كەلگەن، سىچۋاندا – 11، گۋاندۋندا – 2، ىشكى موڭعوليا اۆتونوميالىق ولكەسىندە - 3) « دەلىنگەن ق ح ر دەنساۋلىق ساقتاۋ جانە گيگيەنا ىستەرى مەملەكەتتىك كوميتەتىنىڭ كۇن سايىنعى ەسەبىندە.
قىتايدىڭ مەديتسينالىق مەكەمەلەرىندە كوروناۆيرۋس جۇقتىرعان 76 ادام جاتىر، وتكەن تاۋلىكتە 3 ناۋقاس ەمدەلىپ شىقتى. قايتىس بولعاندار تىركەلگەن جوق.
ءساۋىر باستالعالى قىتايدا COVID-19 جۇقتىرعان، ءبىراق اۋرۋدىڭ ەشقانداي بەلگىلەرى جوق ادامدارعا بولەك ستاتيستيكا جۇرگىزىلەدى. وتكەن تاۋلىكتە ۆيرۋس جۇقتىرعان 16 ادامدا اۋرۋدىڭ ەشقانداي بەلگىلەرى بولماعان. قازىرگى كۇنى مۇنداي 397 ناۋقاس مەديتسينا قىزمەتكەرلەرىنىڭ باقىلاۋىندا.
ەپيدەميا باستالعان ۋاقىتتان بەرى قۇرلىقتىق قىتايدا COVID-19 جۇقتىرعانداردىڭ جالپى سانى 83017 ادامعا جەتتى، 78307 ناۋقاس ەمدەلىپ، اۋرۋحانادان شىعارىلسا، 4634 ادام قايتىس بولدى.
اۆتور: رۋسلان سۇلەيمەنوۆ