+7 (701) 759 90 19
21 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

پويىز جولاۋشىلارى ءبىر ۆاگوننان كەلەسى ۆاگونعا وتە المايدى

1 ماۋسىم 18:02
:ءبولىسۋ
پويىز جولاۋشىلارى ءبىر ۆاگوننان كەلەسى ۆاگونعا وتە المايدى

نۇر- سۇلتان. قازاقپارات - «جولاۋشىلار تاسىمالى» ا ق باس ديرەكتورىنىڭ وپەراتسيالىق ماسەلەلەر جونىندەگى ورىنباسارى يورگ بەسۆەر تەمىرجول قوزعالىسى كەزىندەگى شەكتەۋلەر تۋرالى ايتتى، دەپ حابارلايدى قازاقپارات.

«نەگىزگى شارالار ۆاگونداردا ءىلىنىپ تۇراتىن ەرەجەلەردە جازىلادى. ءبىز جولاۋشىلارعا جەكە قورعانىس زاتتارىن - ماسكا، انتيسەپتيك، قولعاپ پەن باسقا دا دۇنيەلەردى كوپ مولشەردە الىپ جۇرۋگە كەڭەس بەرەمىز. سەبەبى، ماسكاسىز ۆوكزالعا كىرۋگە رۇقسات جوق. ۆاگوندارعا دا كىرمەيدى. سوندىقتان، جولاۋشىلارعا ايتارىمىز - ادامداردىڭ ومىرىنە جاۋاپ بەرەتىن بولعاندىقتان بىزگە قاۋىپسىزدىك ماڭىزدى. جولاۋشىلاردىڭ بىزگە كومەكتەسۋىن سۇرايمىز» ، - دەدى يورگ بەسۆەر نۇرلى جول ۆوكزالىندا جۋرناليستەرگە.

سونداي- اق، ول جولاۋشىلاردىڭ قالاي وتىرعىزىلاتىنىن جانە قانشا بيلەت ساتىلعانىن دا ايتتى.

«جولاۋشىلاردى وتىرعىزۋ بويىنشا شەكتەۋ جوق، سوندىقتان بۇرىنعىشا وتىرعىزىلادى. پويىز ىشىندە جۇرۋگە شەكتەۋ قويىلادى، ياعني ۆاگونعا مىنگەن جولاۋشى تەك سوندا بولادى. كەزەك بولماس ءۇشىن بارلىق جولاۋشىلارعا بيلەتتەردى ونلاين الۋعا كەڭەس بەرەمىز» ، - دەپ اتاپ ءوتتى سپيكەر.

ونىڭ ايتۋىنشا، ۆاگوندار ءبىر كۇندە بىرنەشە رەت جەلدەتىلىپ، دەزينفەكتسيالانادى.

«جەلدەتۋ جانە سالقىنداتۋ جۇيەسى دەزينفەكتسيالاندى، تولىق دايىن. كۇنىنە كەم دەگەندە 3 رەت ۆاگوندار جەلدەتىلىپ، ەكى رەت تازارتىلادى. ءبىز ءوز تاراپىمىزدان جولاۋشىلاردى قورعاۋ ءۇشىن قولدان كەلگەنىن جاساپ جاتىرمىز» ، - دەپ تۇيىندەدى ي. بەسۆەر.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات