17:25, 01 - ماۋسىم 2020 | GMT +6
قاسىم- جومارت توقايەۆ ارمەنيا پرەمەر- ءمينيسترىنىڭ تەزىرەك ساۋىعىپ كەتۋىنە تىلەكتەستىگىن ءبىلدىردى
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ارمەنيا پرەمەر- ءمينيسترى نيكول پاشينياننىڭ تەزىرەك ساۋىعىپ كەتۋىنە تىلەكتەستىگىن ءبىلدىردى، دەپ حابارلايدى قازاقپارات
«ارمەنيا پرەمەر- ءمينيسترى ن. پاشينياننىڭ تەزىرەك ساۋىعىپ كەتۋىنە تىلەكتەسپىن. ول ءوز قاجىر- قايراتىنىڭ ارقاسىندا دەرتتەن قۇلان- تازا ايىعىپ، دوستاس ارمەنيانىڭ يگىلىگى جولىنداعى قىزمەتىنە قايتا ورالادى دەپ سەنەمىن» ، دەپ جازدى مەملەكەت باسشىسى Twitter - دەگى پاراقشاسىندا.
ەسكە سالا كەتسەك، ارمەنيانىڭ پرەمەر- ءمينيسترى نيكول پاشينيان مەن ونىڭ وتباسى مۇشەلەرى كوروناۆيرۋس جۇقتىرعان. ول بۇل تۋرالى بۇگىن Facebook-تەگى پاراقشاسىندا ونلاين ترانسلياتسيا كەزىندە ءمالىم ەتتى.