الماتى وبلىسىندا ەر ادامدى ايۋ تالاپ ءولتىردى

None
None
نۇر-سۇلتان. قازاقپارات –وقيعا 30-مامىر كۇنى الماتى وبلىسى الاكول اۋدانىنىڭ تاۋلى ايماعىندا بولعان.

«كۋالاردىڭ ايتۋى بويىنشا، ولار، ياعني، مارقۇم 3 تانىسىمەن بىرگە 28 -مامىر كۇنى لەپسى وزەنىنە بالىق اۋلاۋعا شىققان. ال قايعىلى جاعداي كەلەسى كۇنى، ۇيگە قايتىپ كەلە جاتقان بەتتە بولىپتى. بىرگە ەرىپ شىققان يت قونجىقتىڭ ءيىسىن سەزىپ، ءىزىن كەزگەن. ەر ادام ونى بورسىق قۋىپ كەتتى دەپ ويلاپ، ارتىنان بارعان. الايدا قورىستىڭ اراسىنان قىڭسىلاعان ءيتتىڭ داۋىسىن ەستىپ، ونى قۇتقارماققا ارەكەتتەندى. ءبىراق ويلاماعان جەردەن ايۋدىڭ شابۋىلىنا ۇشىرايدى. اۋىر جارالانىپ، سەرىكتەرى جەتكەنشە جان ءتاسىلىم ەتكەن»، - دەپ حابارلادى پوليتسيا باستىعى قۋات وسپانوۆ.

ايۋلار ۇرپاعىن ورگىزەر كەزەڭدە اشۋلى بولادى. سوندىقتان تابيعات اياسىنا شىققاندا بارىنشا ساقتىقتى ۇمىتپاعان ءجون، دەيدى پوليتسەيلەر. ايتا كەتەيىك، كوز جۇمعان ازامات 1979 -جىلى تۋعان، رەسەيدەن الماتى وبلىسىندا تۇراتىن تۋىستارىنا قوناققا كەلگەن.

سوڭعى جاڭالىقتار