+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا ۇشقىشسىز ۇشاتىن اپپاراتتار شىعارىلۋى مۇمكىن

1 ماۋسىم 16:21
:ءبولىسۋ
قازاقستاندا ۇشقىشسىز ۇشاتىن اپپاراتتار شىعارىلۋى مۇمكىن

نۇر- سۇلتان. قازاقپارات - «قازاقستاننىڭ اۆياتسيالىق يندۋسترياسى» ج ش س ۇشقىشسىز ۇشاتىن اپپاراتتار قۇراستىراتىن ءوندىرىس ۇيىمداستىرماقشى، دەپ حابارلايدى ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى.

باسپاءسوز مالىمەتتەرىنە قاراعاندا، قازاقستاننىڭ اۆياتسيالىق ونەركاسىپتى دامىتۋ جانە اۋە كەمەلەرىن ءوندىرۋ، تەحنيكالىق قىزمەت كورسەتۋ جانە جوندەۋ نارىعىنداعى باسەكەگە قابىلەتتىلىگىن ارتتىرۋ ماقساتىندا قۇرىلعان «قازاقستان اۆياتسيالىق يندۋسترياسى» ج ش س زاماناۋي اۆياتسيالىق كاسىپورنى 2016 -جىلى پايدالانۋعا بەرىلدى.

«قازاقستان اۆياتسيالىق يندۋسترياسى» ج ش س الدىندا تۇرعان نەگىزگى مىندەتتەردىڭ ءبىرى - مەملەكەتتىك اۆياتسيانىڭ اۋە تەحنيكاسى جارامدىلىعىن قالپىنا كەلتىرۋ بويىنشا مەملەكەتتىك قورعانىس تاپسىرىسىن ورىنداۋ. بۇل مىندەتتەردى اسكەري ۇشاقتاردى پايدالانۋدا تاجىريبەسى مەن داعدىسى بار ماماندار، سونداي- اق ەلىمىزدىڭ جانە شەتەلدەردىڭ بەيىندى وقۋ ورىندارىندا ءبىلىم العان جاس ينجەنەرلەر مەن تەحنيكتەردەن تۇراتىن بىلىكتىلىگى جوعارى قىزمەتكەرلەر ورىندايدى.


«2018-2020 -جىلدارى قازاقستان رەسپۋبليكاسى اۋماعىندا العاش رەت وتاندىق كاسىپورىن ان-72، سۋ-25 سۋ-27، س-295 ۇشاقتارىندا رەگلامەنتتىك جۇمىستاردى ورىندادى. سوڭعى جىلدارى كاسىپورىننىڭ شتاتتىق پەرسونالى 2 ەسەگە، ياعني 200 ادامعا دەيىن ارتتى. 2020 -جىلى ەلىمىزدىڭ مەملەكەتتىك ورگاندارىن قامتاماسىز ەتۋ ءۇشىن تيىمدىلىگى جوعارى كوپفۋنكتسيونالدى ۇشقىشسىز ۇشاتىن اپپاراتتاردى قۇراستىراتىن ءوندىرىستى ۇيىمداستىرۋ جوسپارلانىپ وتىر»، - دەلىنگەن حابارلامادا.


سونىمەن قاتار، وندا كاسىپورىن الدىندا اۆياتسيالىق قىزمەتتەردىڭ ازاماتتىق نارىعىنا، ونىڭ ىشىندە ەكسپورتقا شىعۋ ماقساتى تۇرعاندىعى ايتىلعان.

بۇل شارالار بولاشاقتا وڭىرلىك كوپفۋنكتسيونالدى سەرۆيستىك اۆياتسيالىق ورتالىق مارتەبەسىنە ۇمىتكەر بولۋعا مۇمكىندىك بەرەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات