قىتاي كوروناۆيرۋس ۆاكسيناسىن ساتۋعا شىعارادى

نۇر-سۇلتان. قازاقپارات – قىتايلىق بيولوگ ماماندار ازىرلەپ جاتقان كوروناۆيرۋسقا قارسى ۆاكسينا وسى جىلدىڭ اياعى نەمەسە الداعى 2021 -جىلدىڭ باسىندا الەمدىك ساۋداعا شىعۋى مۇمكىن دەگەن حاباردى «Reuters» اقپارات كوزى تاراتۋدا.

ۋحان جانە بەيجىڭ قالالارىنداعى بيولوگيا ينستيتۋتى جاساپ جاتقان اتالمىش ۆاكسينانى 2000 ادام الىپ ۇلگەرگەن. ۆاكسينا قازىر كلينيكالىق تەستىلەۋدىڭ ەكىنشى كەزەڭىنە ءوتتى.

بەيجىڭ قالاسىنداعى بيولوگيا ءوندىرىسى جىلىنا 100-120 ميلليون ۆاكسينا وندىرەتىن قۋاتقا يە كورىنەدى. اتالمىش ەلدەگى دارىگەر-مامانداردىڭ پىكىرىنە جۇگىنسەك، بيولوگتار ىندەتكە قارسى ءبىر ەمەس بەس ءتۇرلى ۆاكسينا ويلاپ تاپقان ەكەن.

قۇداي بۇيىرتسا، بۇل ىندەتتەن قۇتىلاتىن كۇندە جاقىنداپ قالعان سياقتى.

دەرەككوز egemen.kz