+7 (701) 759 90 19
19 °С : نۇر-سۇلتان
22 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

وزبەكستاندا ىشكى تۋريزم جانداندى

1 ماۋسىم 21:22
:ءبولىسۋ
وزبەكستاندا ىشكى تۋريزم جانداندى

نۇر-سۇلتان. قازاقپارات - وزبەكستاندا تۋريستىك ماۋسىم باستالدى. ەل بيلىگى ازىرگە ىشكى تۋريزمدى جانداندىرىپ جاتىر.

ەپيدەميولوگيالىق احۋالى جاقسى ايماقتاردا تۋروپەراتورلار، تۋراگەنتتىكتەر، مەيمانحانالار مەن مادەني ورتالىقتاردىڭ جۇمىستارى قالپىنا كەلدى.

ولاردىڭ قىزمەتى سانيتارلىق- گيگيەنالىق تالاپتارعا ساي جۇرگىزىلەدى. قازىر وزبەكتەر شەتەلدىك تۋريستەردى دە كەزەڭ- كەزەڭىمەن قابىلداۋعا قامدانۋدا. ول ءۇشىن ەپيدەميولوگيالىق جاعدايى جاقسى ەلدەردىڭ ءتىزىمىن قۇراپ، كەيىن وسى مەملەكەتتەرمەن تۋريستىك بايلانىستى قالپىنا كەلتىرۋ جوسپارلانعان.

وزبەكستانعا دەمالۋعا كەلەتىن ازاماتتاردىڭ قاۋىپسىزدىگىن قامتاماسىز ەتۋ ءۇشىن قازىر اۋەجايلار مەن ۆوكزالداردا، قوناق ۇيلەر مەن تۋريستىك ورىنداردا ساقتىق شارالارى قولعا الىنىپ جاتىر.

شۋحرات يساكۋلوۆ، تۋريزمدى دامىتۋ جونىندەگى مەملەكەتتىك كوميتەت دەپارتامەنتىنىڭ باسشىسى:

- ءبىزدىڭ ەلدە دەمالۋدى جوسپارلاعان تۋريستەردى ىنتالاندىرۋ ءۇشىن ۇكىمەت ءبىراز جەڭىلدىكتەر جاسادى. ماسەلەن، دەمالۋشىلاردىڭ اۋە جانە تەمىرجول بيلەتتەرىنىڭ قۇنىن سۋبسيديالاۋ كوزدەلىپ وتىر. اتاپ ايتقاندا، بيلەت باعاسىنىڭ 30 پروتسەنتىن قايتارامىز. ءبىراق ول ءۇشىن وزبەكستانعا كەلەتىن ازاماتتار 10 ادامنان كەم ەمەس تۋريستىك توپ بولۋى ءتيىس. ءارى مۇندا ولار 5 كۇننەن ارتىق تۇنەۋى شارت.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات