+7 (701) 759 90 19
17 °С : نۇر-سۇلتان
20 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

بريتاندىق عالىمدار كارانتيننىڭ جەڭىلدىگىنە كۇدىكپەن قاراپ وتىر

1 ماۋسىم 21:52
:ءبولىسۋ
بريتاندىق عالىمدار كارانتيننىڭ جەڭىلدىگىنە كۇدىكپەن قاراپ وتىر

نۇر-سۇلتان. قازاقپارات - انگليادا كارانتيندىك شارالار جەڭىلدەتىلەدى. وسىنىڭ اياسىندا دالادا التى ادامعا دەيىن جينالۋعا رۇقسات بەرىلىپ، باستاۋىش مەكتەپتەردە ساباق باستالادى.

ءبىراق عالىمدار مەن كاسىپوداق ۇيىم وكىلدەرى بۇل پاندەميانىڭ ەكىنشى تولقىنىنا اكەلۋى مۇمكىن دەپ دابىل قاعىپ وتىر. ايتا كەتۋ كەرەك، ەلدە سوڭعى تاۋلىكتە كوروناۆيرۋستان قايتىس بولعاندار سانى 113 ادامعا كوبەيىپ، 38500-گە جەتتى.

عالىمجان قارامان ۇلى، ءتىلشى:

- ريدجەنتس - لوندونداعى باستى كورولدىك باقتىڭ ءبىرى، ۇلى بريتانيا استاناسى تۇرعىندارى مەن قوناقتارىنىڭ سۇيىكتى دەمالىس ورنى. تۋريستەر جوقتىڭ قاسى، ءبىراق جەرگىلىكتى حالىقتىڭ قاراسى كوپ. بۇگىننەن باستاپ تۇرعىندارعا تازا اۋادا تۋعان- تۋىستارىمەن جانە دوستارىمەن جينالۋعا رۇقسات ەتىلىپ وتىر. الايدا ۇكىمەت جانىنداعى عىلىمي كەڭەستىڭ مۇشەلەرى، قوعامدىق جانە ساياسي كۇشتەردىڭ وكىلدەرى كارانتيندىك شارالاردى جەڭىلدەتۋ مەرزىمىنەن بۇرىن جاسالعان قادام دەپ وتىر.

ولاردىڭ پىكىرىنشە، الدىمەن جاقىندا قابىلدانعان تەستىلەۋ جانە قاداعالۋ باعدارلاماسى ءوز جەمىسىن بەرۋى كەرەك. ۇلتتىق ستاتيستيكا باسقارماسىنىڭ مالىمەتتەرىنشە بۇگىندە تەك انگليانىڭ وزىندە كۇنىنە 8 مىڭعا جۋىق ناۋقاس تىركەلەدى.

دجون ەدمۋندس، ۇلى بريتانيا ۇكىمەتى جانىنداعى كونسۋلتاتيۆتىك كەڭەستىڭ مۇشەسى:

- ۇكىمەت ازداپ اسىعىستىق تانىتىپ جاتقان سياقتى. ءبىز بۇعان وتە ساقتىقپەن كەلۋىمىز كەرەك. ماسەلەنى بايىپپەن شەشۋىمىز قاجەت. مەنى وسى مازالايدى. ءبىراق ۇكىمەتتەگىلەر باسقا عالىمداردىڭ زەرتتەۋلەرىنە سۇيەنىپ وتىرعاندارىن ايتادى جانە حالىقتى قاۋىپسىزدىك شارالارىن قاتاڭ ساقتاۋعا شاقىرادى.

وليۆەر داۋدەن، ۇلى بريتانيا مادەنيەت ءمينيسترى:

- ۇلى بريتانيا ۇكىمەتىنىڭ كونسۋلتاتيۆتى ورگانى قۇرامىنا 50-دەن استام عالىم كىرەدى. ولاردىڭ پىكىرلەرى ءارالۋان. ۇكىمەت باسىم كوپشىلىگىنىڭ پىكىرىنە قۇلاق اسادى. كارانتيندىك شارالاردى جەڭىلدەتۋ ارقىلى تاۋەكەلگە بەل بۋىپ وتىرعانىمىز راس. سوندىقتان ءبىز وتە اباي بولۋىمىز كەرەك.

بريتانيا ەكونوميكاسى ءوز كەزەگىندە پاندەميا تۋدىرعان ەكونوميكالىق داعدارىستان شىعىپ كەلە جاتقانداي. ويتكەنى ۇكىمەت بيزنەس پەن الەۋمەتتىك ءومىردى باقىلاۋدا ۇستاۋدى كەزەڭ- كەزەڭىمەن توقتاتىپ كەلەدى. ءبىراق انگليانىڭ ۇلتتىق بانكى ەكىنشى توقساندا ىشكى جالپى ءونىم دەڭگەيى 25 پروتسەنتكە قىسقارۋى مۇمكىن ەكەندىگىن ەسكەرتەدى. ءسويتىپ مەملەكەت سوڭعى ءۇش عاسىردا بولماعان ەڭ اۋىر ەكونوميكالىق داعدارىسقا ۇشىراۋى عاجاپ ەمەس.

www.24.kz



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات