نۇر-سۇلتاندا بلوكپوستاردا جۇمىس ىستەگەن دارىگەرلەر، پوليتسەيلەر مەن ەرىكتىلەر ماراپاتتالدى
دارىگەرلەر، ەرىكتىلەر مەن پوليتسەيلەر ق ر ءى ءى م ءمينيسترى ەرلان تۇرعىمبايەۆ، ەلوردا اكىمى التاي كولگىنوۆ جانە نۇر-سۇلتان قالاسى پوليتسيا دەپارتامەنتىنىڭ باسشىسى ەرجان سادەنوۆتىڭ اتىنان گراموتا جانە العىس حاتتارمەن ماراپاتتالدى، دەپ حابارلايدى ەلوردا اكىمدىگىنىڭ رەسمي سايتىنا سىلتەمە جاساپ. «دارىگەرلەر، پوليتسەيلەر مەن ۆولونتەرلەر بىرىگىپ، ىندەتپەن كۇرەسە وتىرىپ، تەزىرەك قالىپتى ومىرىمىزگە ورالۋعا كومەكتەستى. پوليتسەيلەر مەن ەرىكتىلەرگە ەرەن ەڭبەگى ءۇشىن العىس ايتامىز. ءبىزدىڭ ازاماتتارىمىزدىڭ دەنساۋلىعى سىزدەردىڭ جۇمىستارىڭىزعا بايلانىستى بولدى. سىزدەر ناعىز جاناشىرلىق پەن قامقورلىقتىڭ جارقىن ۇلگىسى كورسەتتىڭىزدەر»، - دەدى ەرجان سادەنوۆ.
ەرىكتىلەر پوليتسەيلەرمەن بىرگە رەيدتەر مەن پروفيلاكتيكالىق شارالارعا قاتىسىپ، ءتۇسىندىرۋ جۇمىستارىن جۇرگىزدى. ۋچاسكەلىك ينسپەكتورلارمەن بىرگە ازاماتتارمەن كەزدەسىپ، ولارعا قاۋىپسىزدىك شارالارىن ءتۇسىندىردى. دارىگەرلەر تاۋلىك بويى ادامداردىڭ ومىرىمەن ارپالىسىپ، ينفەكسيامەن الدىڭعى شەپتە كۇرەستى. كارانتين كەزىندە ناعىز ەرلىكتىڭ ەرەن ۇلگىسىن كورسەتكەن پوليتسەيلەر از ەمەس.
ونىڭ ىشىندە بلوكپوستاردا جۇكتى ايەلدەردى الىپ پەرزەنتحانالارعا، ءتۇرلى جاراقاتتارمەن كەلگەن ناۋقاستاردى اۋرۋحانالارعا جەتكىزگەن پوليتسەيلەر بار. بۇعان قوسا، پوليتسيا دەپارتامەنتى كارانتين رەجيمى اياقتالمادى، ەپيدەميا جويىلعان جوق. سوندىقتان ماسكا كيىپ، سانيتارلىق- ەپيدەميولوگيالىق رەجيمدى قاتاڭ ساقتاۋ كەرەگىن ەسكەرتتى.
