ءۇندىستاندا مايمىلدار كوروناۆيرۋس جۇقتىرعان ادامداردىڭ قان سىناماسىن ۇرلاپ كەتكەن

نۇر-سۇلتان. قازاقپارات - جەرگىلىكتى تۇرعىندار بۇل ينۆەكتسيانىڭ ورشۋىنە اكەپ سوعا ما دەپ قاۋىپتەنەدى.

ۋتتار- پرادەش شتاتىندا جابايى مايمىلدار مەراتحا مەديتسينالىق كوللەدجىنىڭ زەرتحاناسىنا شابۋىل جاساعان. ءسويتىپ، كوروناۆيرۋس جۇقتىرعان ادامداردىڭ قانى قۇيىلعان قۇتىلاردى الىپ كەتكەن. بەينەجازبا الەۋمەتتىك جەلىدە تارادى.

«مايمىلدار «كوۆيد- كە» دۋشار بولعان 4 ناۋقاستىڭ قان سىناماسىن الىپ كەتتى»، دەپ حابارلادى مەكەمە وكىلدەرى. مۇنداي جايتتىڭ بولعانىن پوليتسەيلەر راستادى. اق حالاتتىلار «ۇرىلار» قۇتىلاردى اشا المايدى، ادامدارعا تونەر قاۋىپ جوق دەپ سەندىرىپ وتىر. ازىرگە ۆيرۋستىڭ مايمىلدان ادامعا جۇعۋ جاعدايى انىقتالمادى.

www.24.kz

— inform.kz inform.kz