جەر بەتىندە ءومىر سۇرۋگە جارامدى اۋماق ازايىپ بارادى
Science Advances جۋرنالىندا جاريالانعان امەريكانىڭ عىلىمعا جاردەمدەسۋ قاۋىمداستىعى ماماندارىنىڭ زەرتتەۋى وسىنى كورسەتىپ وتىر، دەپ حابارلايدى قازاقپارات.
زەرتتەۋ اۆتورلارىنىڭ تۇسىندىرۋىنشە، سەلسيي شكالاسى بويىنشا 46 گرادۋس تەمپەراتۋرا عالامشاردا ءومىر سۇرەتىن كوپتەگەن تىرشىلىك يەلەرى ءۇشىن شەكتى بولىپ تابىلادى. وسى تەمپەراتۋرا ەڭ بولماعاندا ءبىر گرادۋسقا كوتەرىلگەن كەزدە تەر شىعۋ جۇيەسى دەنەنى سالقىنداتىپ ۇلگەرمەيدى، بۇل ورگانيزمنىڭ ولۋىنە اكەلىپ سوقتىرادى.
دەگەنمەن عالىمدار ءۇندىستان، پاكىستان، مەكسيكا، ا ق ش جانە پارسى شىعاناعى ەلدەرىنىڭ كەيبىر اۋماقتارىندا شەكتى تەمپەراتۋرانىڭ ءوسۋى ءالسىن- ءالسىن تىركەلەتىندىگىن اتاپ وتكەن. ەگەر كليماتتىڭ جىلۋ پروتسەسىن ەرتەرەك توقتاتپاسا، وسىنداي وڭىرلەر حالقى تىعىز قونىستانعان ەۋروپادا دا تۋىنداۋى مۇمكىن.