+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

بيىل «اباي» تەلەارناسى اشىلادى

30 مامىر 20:19
:ءبولىسۋ
بيىل «اباي» تەلەارناسى اشىلادى

نۇر- سۇلتان. قازاقپارات - بيىل مادەنيەت باعىتىنداعى «اباي» تەلەارناسى اشىلادى. بۇل جايىندا ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆتىڭ قازاقستاننىڭ حالىق ءارتىسى تالعات تەمەنوۆكە الەۋمەتتىك جەلىدە جاريالاعان ىنىلىك بازىناسىندا ايتىلعان، دەپ حابارلايدى قازاقپارات.

ايتا كەتەيىك، تالعات تەمەنوۆ Facebook پاراقشاسىندا ق ر اقپارات جانە قوعامدىق دامۋ ءمينيسترى ايدا بالايەۆانىڭ اتىنا جازبا قالدىرىپ، وندا ءتول تەلەۆيدەنيەمىزگە قاتىستى ويىن بىلدىرگەن بولاتىن. ال بۇگىن سوڭعى ءتورت جىلدا اقپارات ءمينيسترى بولعان، قازىرگى قىزمەتىندە دە وسى ماسەلەمەن تىكەلەي اينالىساتىن داۋرەن ابايەۆ جازباعا وي قوسىپ، حالىق ءارتىسىنىڭ كەي ايتقان تۇستارىنا تۇسىنىكتەمە بەرۋدى وزىنە مىندەت ساناعان.

«بارلىق تەلەارنادا كوركەمدىك كەڭەستەر بار. ولار ەفيردەن بەرىلەتىن ماتەريالدى سارالاپ، سۇرىپتاپ وتىرادى. اسىرەسە، مەملەكەتتىك ارنالاردىڭ كوركەمدىك كەڭەسىنىڭ تالابى ايرىقشا قاتال. ارينە، جۇمىس ءتارتىبىنىڭ ەرەكشەلىگىنە، ۋاقىت تاپشىلىعىنا بايلانىستى بەينەماتەريالدا قاتەلىكتەر بولىپ تۇرادى. كەيدە بەينەتۋىندى ساپاسىنا قاتىستى سىن ايتىلىپ جاتادى. ءبىراق بۇل - جەكەلەگەن جاعدايلار. ۇنەمى قاتەلىك كەتەدى دەگەندى بىلدىرمەسە كەرەك. وزىڭىزگە ءمالىم، كينو ءتۇسىرۋ - جانكەشتى ەڭبەك پەن ۇلكەن قارجى قاجەت ەتەتىن ۇزاق پروتسەسس. تاۋەلسىزدىك داۋىرىندە بۇل سالاعا كوپ كوڭىل ءبولىنىپ، مول قاراجات قۇيىلدى. ناتيجەسىندە ەداۋىر دۇنيەلەر جاسالدى»، - دەدى داۋرەن ابايەۆ.

وسى ورايدا ول مىسالى رەتىندە «وربۇلاق شايقاسى»، «دۋلاتي»، «كەيكى مەرگەن»، «قۇستار ءانى»، «كەلىنجان»، «كورشىلەر»، «قازاق حاندىعى. التىن تاق»، «قۇنانباي»، «اباي»، «بەكزات»، «قالامگەر»، ء«ان اعا»، «ءبورى»، «ارمان جولىندا»، «ابزال جان»، سياقتى كوپتەگەن فيلمدەر مەن سەريالداردى اتاپ وتەدى.

«بۇل مەنىڭ ءدال قازىر ەسىمە تۇسكەنى عانا، نەگىزى ودان دا باسقا جۇزدەگەن مەدياتۋىندى جاسالدى. ۇنەمى ەستە بولاتىن تاعى ءبىر نارسە - بۇنىڭ ءبارى شىعارماشىلىق دۇنيەلەر. سول ءۇشىن دە بىرەۋگە ۇناپ، ەكىنشى ادامعا ۇناماۋى زاڭدىلىق. ءبىراق، ءبىر انىعى - وسىنىڭ بارلىعى دا وزىمىزدىكى. وتاندىق تۋىندىلار. كەزىندە جىلىنا 1-2 فيلم شىققانىن جەتىستىك ساناساق، قازىر ونداعان فيلم مەن سەريال شىعىپ جاتقانىنا تاڭ قالمايمىز. بۇعان قۋانۋ كەرەك دەپ سانايمىن. وسى رەتتە، مادەنيەت باعىتىنداعى «اباي» تەلەارناسىن اشۋدى بيىلعا جوسپارلاپ وتىرعانىمىزدى ايتقىم كەلەدى. جازباڭىزدا ايتىلعان «سۇلەيمەن سۇلتان» سەريالى دا توسىننان تۇسىرىلگەن تۋىندى ەمەس. كوپ جىلدار بويى باسەكەنىڭ قازانىندا قايناپ، كاسىبيلىكتىڭ كورىگىندە قىزعان دۇنيە. سول ءۇشىن دە تانىمال. بۇيىرسا، ءبىز دە ول دەڭگەيگە جەتەمىز، ءتىپتى اسىپ تۇسەمىز دەپ سەندىرگىم كەلەدى»، - دەپ ءتۇيدى د. ابايەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات