+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

لاقتىرىپ جىبەرگەن چەگىڭىزدى الاياقتار قالاي پايدالانادى

30 مامىر 13:04
:ءبولىسۋ
لاقتىرىپ جىبەرگەن چەگىڭىزدى الاياقتار قالاي پايدالانادى

نۇر- سۇلتان. قازاقپارات - سالىق ورگاندارى دۇكەندە ساتىپ الىنعان تاۋار چەگىن لاقتىرىپ جىبەرۋدىڭ نەمەسە بەلگىسىز ادامدارعا بەرۋدىڭ قاتەرىن ەسكەرتەدى، دەپ حابارلايدى قازاقپارات ءتىلشىسى.

كەز كەلگەن ادام ساۋدا جاساعاننان كەيىن تۇبىرتەكتى تۇككە جارامسىز دەپ ويلاۋى مۇمكىن. ماسەلەن، ءسىز دۇكەننەن كەلە جاتقاندا الدىڭىزدان شىققان بەلگىسىز بىرەۋ «بونۋس جيناۋ ءۇشىن تۇبىرتەگىڭىزدى بەرە الاسىز با؟» دەپ سۇراۋى ىقتيمال.

البەتتە، ويىڭىزعا ەشتەڭە كەلمەي چەكتى ۇستاتا سالاسىز. الايدا، ءدال وسى جاعدايدان الاياق نەمەسە تولىققاندى الاياقتار جوسپارىنىڭ قاتىسۋشىسى بولىپ كەتۋىڭىز ابدەن ىقتيمال.

«ماسەلەن، الاياقتار ءسىزدىڭ تۇبىرتەگىڭىزدى الىپ دۇكەنگە قايتا بارادى. بەلگىلى ءبىر زاتتىڭ بيركاسىن جۇلىپ تاستاپ، ونى قولدى قىلۋى مۇمكىن. ال ەسىك الدىنداعى كۇزەتكە ءسىز بەرگەن تۇبىرتەكتى كورسەتە سالادى. الاياقتىقتىڭ ەكىنشى ءتۇرى: ەش زاتتى ۇرلاماي- اق الگى ادام ءسىزدىڭ چەگىڭىزدى دۇكەن يەسىنە قايتارىپ، اقشانى تالاپ ەتە الادى. سەبەبى كليەنت زاڭ بويىنشا العان تاۋارىن قايتارا وتىرىپ، اقشاسىن بەلگىلى ءبىر ۋاقىتتىڭ ىشىندە تالاپ ەتۋگە قۇقىلى. الاياقتاردىڭ تۇبىرتەككە قاتىستى ارەكەتىنەن زارداپ شەگەتىن دۇكەندەر عانا ەمەس. ساۋدادان كەيىن كارتا ارقىلى تولەم جۇرگىزەتىن ساتىپ الۋشى دا ماسەلەمەن بەتپە- بەت كەلەدى. پلاستيك كارتانى پايدالانۋ ارقىلى بانك وپەراتسياسىن ورىنداساڭىز، سىزگە قاتىستى مالىمەتتەردى پايدالانىپ تا زاڭعا قايشى ارەكەت جاسالۋى مۇمكىن. چەكتەگى ترانزاكسيا مالىمەتتەرىنىڭ كومەگىمەن اككى الاياقتار بەلگىلى ءبىر اقپاراتتى ءبىلىپ الىپ، ارتىنشا حاككەرلەر ءسىزدىڭ بانكتىك شوتىڭىزعا دا جەتىپ الادى»، - دەپ ەسكەرتەدى ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى.

وسى سەبەپتى دەپارتامەنت تاۋارلىق چەك - بوتەن قولعا تۇسپەۋى ءتيىس تولەم قۇجاتى ەكەنىن ەسكەرتەدى. ونى دۇكەنگە جاقىن قوقىس جاشىگىنە تاستاۋعا بولمايدى. دەپارتامەنتتىڭ مالىمەتىنشە، ءسىز چەگىڭىزدى ءوز پايداڭىزعا جاراتا الاسىز. ول ءۇشىن «تۇبىرتەكتى تالاپ ەت تە، سىيلىق ۇتىپ ال!» اتتى كەڭ اۋقىمدى رەسپۋبليكالىق اكسياعا اتسالىسۋ كەرەك.

بيىل 13 - مامىردا باستالعان ءداستۇرلى اكسيا جىل سوڭىنا دەيىن جالعاسادى. «تۇبىرتەكتى تالاپ ەت تە، سىيلىق ۇتىپ ال!» اكسياسىنا قاتىسۋ ءۇشىن قازاقستاندىقتار ККМ موبيلدىك قوسىمشاسىن جۇكتەپ الۋى ءتيىس. ىزىنشە ونلاين- ك ك م ارقىلى فيسكالدى تۇبىرتەك تۋرالى مالىمەتتى جولداپ، قىزمەت نەمەسە تاۋاردى العانىڭىزدى راستاۋ كەرەك. ەگەر ونلاين- ك ك م فيسكالدى تۇبىرتەكتى بەرمەسە، ۆيدەوماتەريال ارقىلى نىساننىڭ قايدا ورنالاسقانىن كورسەتىپ، زاڭسىزدىقتىڭ جولىن كەسۋگە بولادى.

تۇبىرتەكتى تاپسىرعاننان كەيىن ونى جىبەرۋشى جىل سوڭىنا دەيىنگى باستى سىيلىققا تالاسا الادى. ءبىر ادامعا قانشا تۇبىرتەك بەرە بەرسە دە رۇقسات. فيسكالدى تۇبىرتەكتى بەرمەگەنىن راستاي العان جاعدايدا ازاماتتار موبيلدىك تەلەفونىنا 1000 تەڭگە كولەمىندە سىياقى الا الادى. بۇل اكسيا حالىقتىڭ ازاماتتىق بەلسەندىلىگىن ارتتىرىپ، قۇقىقتىق مادەنيەتكە باۋلۋ، كولەڭكەدەگى ەكونوميكانىڭ ۇلەسىن ازايتىپ، اشىق باسەكەنى دامىتۋ ءۇشىن قولعا الىنعان.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات