+7 (701) 759 90 19
19 °С : نۇر-سۇلتان
19 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

قازاق- قىتاي شەكاراسىندا وتاندىق تاۋار تاسىمالداۋشىلارعا ارنالعان ءدالىز قالپىنا كەلتىرىلدى

30 مامىر 09:52
:ءبولىسۋ
قازاق- قىتاي شەكاراسىندا وتاندىق تاۋار تاسىمالداۋشىلارعا ارنالعان ءدالىز قالپىنا كەلتىرىلدى

نۇر- سۇلتان. قازاقپارات - قازاقستان- قىتاي شەكاراسىندا قازاقستاندىق تاۋارلاردى تاسىمالداۋشىلارعا ارنالعان جەكە ءدالىزدىڭ جۇمىسى قالپىنا كەلتىرىلدى، دەپ حابارلايدى قازاقپارات ق ر ساۋدا جانە ينتەگراتسيا مينيسترلىگىنە سىلتەمە جاساپ.

ق ر س ي م «QazTrade» وتاندىق ەكسپورتتاۋشىلار ءۇشىن قازاقستان- قىتاي شەكاراسىنان ءوتۋ راسىمدەرىن جەڭىلدەتۋگە قول جەتكىزدى «19- مامىردا «نۇرجول» كەدەن وتكەلىندە ق ح ر- عا وتاندىق ەكسپورتتى قولداۋ جانە جەدەلدەتۋ شەڭبەرىندە 10- ساۋىردە شەكارادا پايدا بولعان قازاقستاندىق وندىرۋشىلەردىڭ تاۋارلارى بار ماشينالارعا ارنالعان جەكە ءدالىز الىنىپ تاستالدى. 19 - مامىردان باستاپ جەكە ءدالىز بويىنشا تەك مۇزداتىلعان ەت پەن بالىعى بار اۆتوكولىك قانا شەكارادان كەدەرگىسىز وتەتىن. قالعان قازاقستاندىق تاۋارلار جالپى كەزەكتى كۇتۋگە ءماجبۇر بولدى.

(«نۇرجولى» كەدەن وتكەلىنىڭ وتكىزۋ قابىلەتى كۇنىنە 5-10 ماشينانى قۇرايدى). بۇل شەكارادا اۆتوكولىك قۇرالدارىنىڭ كوپ سانىنىڭ جينالۋىنا الىپ كەلدى، ال ول قازاقستاندىق تاۋارلاردى شەتەلدىك ساتىپ الۋشىلارعا ۇزدىكسىز جەتكىزۋگە قاۋىپ ءتوندىردى»، دەلىنگەن حابارلامادا.

ق ر ساۋدا جانە ينتەگراتسيا مينيسترلىگىنىڭ «QazTrade» ساۋدا ساياساتىن دامىتۋ ورتالىعى» ا ق- نا ارنايى @exportgov Telegram ارناسى ارقىلى وتاندىق ەكسپورتتاۋشىلاردان ءوتىنىش تۇسە باستادى.

ايتا كەتەرلىگى، ارنا ناۋرىز ايىنىڭ سوڭىندا شيكىزات ەمەس تاۋارلار مەن قىزمەتتەردى ەكسپورتتاۋدى جۇزەگە اسىرۋ ماسەلەلەرى بويىنشا شۇعىل وتىنىشتەر قابىلداۋ ءۇشىن قۇرىلدى. 29 - مامىردا «QazTrade» ساۋدا ساياساتىن دامىتۋ ورتالىعى» ا ق مەن ق ر ساۋدا جانە ينتەگراتسيا مينيسترلىگى قىزمەتكەرلەرىنىڭ قولداۋىمەن بارلىق قازاقستاندىق تاۋارلاردى تاسىمالداۋشىلارعا ارنالعان جەكە ءدالىزدىڭ جۇمىسى قالپىنا كەلتىرىلدى.




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات